Lampung, Kiwari.co.id – Maung sumatera (Panthera tigris sumatrae) nyaéta sato anu kacida kaancam musnah, kalayan populasi saukur tinggal puluhan baé. Status maung sumatera nyaéta critically endagered (CR) dumasar data Red List International Union for Conservation of Nature (IUCN).
“Artinya spesies yang menghadapi risiko kepunahan di waktu dekat,” ceuk Ketua Forum HarimauKita, Drh Erni Suyanti, Rebo (20/3/2024).
Sahingga, ayana ieu sato ditangtayungan ku paraturan paundangan-undangan, nyaéta Undang-undang Nomor 5 Taun 1990 ngeunaan Konservasi Sumber Daya Alam Hayati jeung Ekosistemna. Yanti – kitu ilahar inyana digentra, ngajéntrékeun, lokasi konflik maung-jalma dina Februari–Maret 2024 kalarung kajadian di jero kawasan Taman Nasional Bukit Barisan Selatan (TNBBS).
TNBBS ieu ogé ditetepkeun minangka cluster tapak warisan dunia (Tropical Rainforest Heritage of Sumatra) ku UNESCO.
“Dengan salah satu tujuan pengelolaan dan visinya sebagai habitat pelestarian harimau sumatera, badak sumatera, dan gajah sumatera,” ceuk Yanti.
Dumasar hasil analisis kesintasan populasi maung sumatera anu dilakukeun Forum HarimauKita dina taun 2016, TNBBS mangrupakeun hiji tina 23 lanskap penting di Sumatera anu masih jadi hunian predator puncak éta.
“TNBBS termasuk landscape sedang dengan daya dukung lingkungan kurang dari 70 individu (harimau),” pokna.
Ku kituna, masarakat anu boga aktivitas di kebon anu asup, atawa keukeureutan jeung kawasan taman nasional, kudu bisa hirup reureujeungan jeung maung sumatera minangka salah sahiji pangeusi taman nasional.
“Tentu berisiko tinggi terjadinya interaksi negatif antarkeduanya, karena tinggal dan beraktivitas di areal yang sama, termasuk lokasi perkebunan yang berbatasan langsung dengan habitat harimau,” pokna.
Salian kitu, interaksi negatif bisa kajadian lantaran ayana masarakat anu réa ngalakukeun aktivitas pamoroan.
“Maka masyarakat yang beraktivitas di habitat harimau harus mencegah dan menghentikan aktivitas perburuan liar, baik dengan sasaran harimau sumatera maupun satwa mangsa potensial,” ceuk Yanti.
Di Suoh contona, aktivitas pamoroan maung sumatera jeung sato mangsana terus aya, tur ngalimpudan areal-areal anu diliwatan maung anu keur konflik jeung masarakat.
Dina 3 Juli 2019, Yanti sorangan ngabantu nyalametkeun hiji maung sumatera anu kajiret di jero taman nasional di Suoh.
“Setelah itu pun masih ada temuan jerat-jerat pemburu dengan target harimau sumatera yang menyebabkan kematian pada Agustus 2020,” ceuk Yanti mungkas.
Kontributor – Agus Rohmat
Ropéa Basa – RB
