WartaWarta Nasional

Trén Moro ‘Koin Berhadiah’ Nepika Ratusan Juta di Bandung

Para panyungsi koin tina aplikasi di Taman Maluku, Kota Bandung Foto: Bima Bagaskara/detikJabar

Bandung, Kiwari.co.id – Dina satengahing petengna di Taman Maluku, Kota Bandung katara samar-samar dua urang lalaki. Panon maranéhna ngawaskeun jeung ningalian saban sisi di éta taman kota bari leungeunna nyarepengan ponsel.
Éta dua urang jalma téh nyaéta Iqbal jeung Gibran, maranéhna néangan ‘koin berhadiah’ anu mangrupakeun salah sahiji kaulinan tina salah sahiji pangembang aplikasi.

Iqbal téh saurang pangamudi ojol asal Cimahi ngaku panasaran kana koin nyumput éta. Nurutkeun inyana mah, hiji koin téh mibanda ajén variatif anu paling leutik nyaéta Rp300 rébu jeung anu panggedéna Rp100 juta.

“Bisa ditukar uang kan di belakang koin itu ada kodenya. Kemarin ada di Tegallega yang dapat saya lihat sendiri makanya percaya,” pokna.

Pikeun néangan éta koin, Iqbal jeung baturna anu ngaran Gibran réla méakkeun waktu mangjam-jam. Samalah dina poé Salasa (7/1) kamari mah, duanana moro koin ti tabuh 1 beurang nepika tabuh 9 peuting sanajan tacan bisa manggihan éta koin.

“Kemarin dari jam 1 siang sampai 9 malam. Penasaran jadi nyari,” ceuk Gibran.

Dituturkeun Palajar

Maranéhna anu moro koin téh lain jalma déwasa wungkul, dalah aya ogé palajar anu réla ngoréhan tatangkalan, naék kana tower nepika turun kana saluran cai sagala.

Éta fenomena téh muncul tina hiji aplikasi anu ngawanohkeun program treasure hunt di rohang publik. Maranéhna bisa manggihan koin anu nyumput di lelewek anu tangtu kalayan bantuan GPS.

“Lagi cari koin ini, dari aplikasi karena kalau bisa dapat bakal dapat uang jadi aku nyari,” ceuk Bimo (18) saurang palajar.

Bimo ngaku nyaho ayana fenomena ieu tina TikTok. Nurutkeun inyana lamun seug bisa nimukeun, éta koin bisa ditukeur jeung duit luyu nominal anu ditulis. Nu matak, samulangna ti sakola manéhna mecakan néangan éta koin.

“Tahunya awalnya dari tiktok itu kayak dapat koin dan bisa ditukar uang makanya dicoba cari. Nominalnya tergantung yang di koin itu. Ini pulang sekolah nyari,” ceuk Mibo.

Di sisi séjén, saurang juru parkir di Taman Maluku ngaran Asep nyaturkeun, geus ti Senén tiheula réa jalma anu moro koin. ngaku Asep mah teu apal persis sual koin anu diboro éta. Nurutkeun Asep, éta koin diteundeun ku hiji jalma dina mangsa peuting.

“Itu ada yang menaruh malam-malam enggak tahu siapa. Selain di sini banyak juga katanya di tempat lain,” pokna

Pemkot Hariwang Tren Néangan Koin Ngaruksak Taman Kota

Pemkot Bandung buka sora sual réana warga anu moro koin di sajumlah taman kota. Malahan Pemkot Bandung mah ngaku geus negor pangembang aplikasi sangkan ngarobah konsep kaulinan.

Kepala Dinas Perumahan jeung Kawasan Permukiman (DPKP) Kota Bandung, Rizki Kusrulyadi nyebutkeun, konsep game anu ngudukeun warga néangan koin boga potensi ngaruksak kondisi taman.

“Memang kreativitas itu boleh dilakukan, tapi tidak sampai merusak taman-taman kota. Apalagi aktivitas mencari koin yang dilempar sembarangan, itu bisa menyebabkan kerusakan pada tanaman dan fasilitas taman lainnya,” ceuk Rizki, Rebo (8/1/2025).

Ku ayana potensi karuksakan di taman kota, Rizki nyebutkeun pihakna geus matéahkeun ngahubung pangembang aplikasi pikeun ngarobah konsep permainan.

“Kami sudah menyampaikan kepada pihak aplikasi agar konsep ini tidak dilakukan di taman kota. Bagaimana pun, kegiatan seperti ini membuat orang mengorek-ngorek tanaman, yang akhirnya merusak taman,” tandesna.

Di sagigireun éta, inyana ménta patugas pajaga taman pikeun ngajaga fasilitas jeung miharep peran serta masarakat sangkan teu ngalakukeun pangruksakan.

“Kami mengimbau kepada masyarakat untuk lebih menjaga taman-taman kota. Permainan semacam ini mungkin menghibur, tetapi dampaknya sangat merugikan. Kami juga berharap pengembang aplikasi segera merevisi konsep permainannya,” pokna.

Ropéa basa: Agus Rohmat

Leave a reply

Your email address will not be published. Required fields are marked *

More in Warta