- Poé Saptu poé Kemis
Salasa heuleut-heuleutan
Itu saha muril kumis
Leumpangna eundeuk-eundeukan - Kulah pinuh cai hérang
Kemisan ngala malati
Ulah bingung ulah héran
Kumisan Si jantung hati - Marukan kemis ngalana
Rérénténg jieun rorojok
Marukan kumis gayana
Jélétréng lir hileud orok - Ngala impun poé kemis
Tiwu jeung rangasa kénéh
Dicium nu gedé kumis
Tilu taun karasa kénéh - Moro mekel cai nginum
Mekel sangu lauk nila
Boro hayang rék dicium
Ningali gé matak gila
