Kiwari.co.id – Sababaraha poé kalarung Prabowo Subiyanto anu jadi calon Presiden nomer 2 dina Pilpres 2024 anu keur dina satengahing mancén Mentri Pertahanan (Menhan) geus dileler Jénderal bintang opat ku Presiden Jokowi Dodo di Istana Nagara Jakarta.
Tumali kana pangkat tingkat luhur éta, tétéla aya sajumlah jénderal di dunya anu nyepeng pangkat bintang 5. Pangkat tingkat luhur dina hierarki militer anu diwanohkeun munggaran pisan ku Amerika Serikat dina taun 1944.
Dihandap ieu daftar 5 jénderal bintang 5 di sakuliah dunya, sakumaha dirangkum ti rupa-rupa sumber:
1. Dwight David Eisenhower
Jénderal ieu kungsi ngajabat minangka Kepala Staf Angkatan Darat AS ti 19 November 1945 nepika 6 Februari 1948. Lalaki anu jadi Presiden Amerika Serikat ka-34 ieu ogé gumelar di Texas, 14 Oktober 1880, tur tilar dunya di Washington D.C dina 28 Maret 1969.
Eisenhower kawéntar alatan kawijakan moderatna anu ngajadikeun AS jadi nagara pangkuatna, palingproduktif, jeung paling boga pangaruh di dunya. Inyana ogé mingpin pasukan sekutu di Eropa Barat salila Perang Dunia II.
2. Omar Nelson Bradley
Bradley kungsi jeneng minangka Panglima Angkatan Bersenjata AS dina 1949 tur saméméhna Kepala Staf Angkatan Darat AS dina 1948. Dina Perang Dunia II jeung Perang Korea, Bradley mangrupakeun perwira pangluhurna anu milu dina patempuran.
Dina taun 1950, inyana dileler pangkat jénderal bintang 5 tur jadi anggahota Komite NATTO. Bradley gumelar di Missouri, 12 Februari 1893, tur tilar dunya di New York, 8 April 1981, ngahontal umur 88 taun.
3. Soeharto
Jenderal Besar asal Indonesia, Soeharto, lahir dina 8 Juni 1921 di Bantul, Yogyakarta, tur pupis di Jakarta, 27 Januari 2008, dina umur 86 taun. Soeharto jeneng minangka Presiden Republik Indonesia ka-2 ti taun 1967 nepika 1998.
Saméméhna kapamingpinan politikna, Soeharto mibanda peran penting dina militer dina mangsa panglindihan Jepang jeung Belanda. Inyana ngahontal pangkat Mayor Jenderal tur kawéntar minangka “the Smiling General” Alatan seurina anu khas.
Dina 1 Maret 1949, inyana ilubiung dina serangan umum tur meunang ngalindih dayeuh Yogyakarta salila 6 jam. Dina umurna anu ka-41, inyana ditaékeun pangkat jadi Mayor Jenderal tur jadi Panglima Komando Mandala Pembebasan Irian Barat, ngarangkep ogé minangka Deputi Wilayah Indonesia Timur di Makassar.
Dina 1962, Soeharto diangkat jadi Panglima Komando Cadangan Strategis Angkatan Darat atawa Kostrad nepika taun 1965.
4. AH Nasution
Abdul Haris Nasution, lahir di Tapanuli Selatan dina 3 Desember 1918, mintonkeun kapincutna kana widang militer ku ngilu pendidikan Corps Opleiding Reserve Officieren (CORO) atau KNIL di Bandung dina 1940-1942.
Nasution sohor minangka saurang pamikir jeung konseptor ulung di TNI AD kalayan rupa-rupa gagasan, kaasup perang gerilya jeung operasi panumpasan PKI Madiun 1948. Nasution meuang panghargaan jeung gelar doktor ti sababaraha universitas.
Dina 30 September 1997, inyana dileler pangkat Jénderal Besar TNI tur tilar dunya dina 6 September 2000.
5. Soedirman
Jénderal Besar TNI (Anumerta) Radén Soedirman, atawa dipiwanoh minangka Jenderal Soedirman, mangrupakeun salah sahiji inohong gedé Indonesia. Diistrénan jadi Panglima Besar TKR dina 18 Desember 1945, Soedirman mingpin perang gerilya salila 7 bulan pikeun mertahankeun kamerdekaan Indonesia.
Soedirman dileler Pangkat Kahormatan Jénderal Besar TNI dina 30 September 1997. Pangleleran Pangkat Jénderal Bintang Lima ieu jadi peristiwa istimewa alatan saukur dibikeun ka prajurit anu kacida boga jasa pisan pikeun bangsa jeung nagara.
Pupis dina 29 Januari 1950, Soedirman ninggalkeun tapak lacak kapamingpinan anu luar biasa dina sajarah Indonesia.
Kontributor – Agus Rohmat
Ropéa Basa – RB
