Bandung, Kiwari.co.id – Saliwat taya anu béda tina gang di Jalan Pelesiran, Lebak Siliwangi, Kacamatan Coblong, Dayeuh Bandung, Jawa Barat. Ilaharna pamukiman padet padumuk séjénna, jalur kandaraan di gang ieu kawilang heurin, saukur bisa diliwatan paling loba dua motor. Ngan baé, gang ieu boga ngaran unik. Lamun disungsi dina aplikasi Google Maps, katulis kalayan kacida atra mun ngaran gang éta téh nyaéta Gang Stones.
Dicutat ti Kompas.com mangsa ngadeugdeug ieu gang, aya barudak pasuliwer arulin, motor balawiri jeung dina sababaraha imah warga kolot budak katingali paguneman di hareupeun imah. Mangsa dipaluruh, ngaran Gang Stones dibikeun lantaran dina 1970-an sakur wargana nyaéta palandep grup musik asal Inggris The Rolling Stones. Méh di saban juru jalan taya anu kaliwat tina gambar biwir kalayan létah ngelél kaluar, lambang tina band The Rolling Stones.
“Yang kasih nama Gang Stones itu sesepuh dulu tahun 60-an akhir masuk 70-an seperti ada Uwak Cadok, Pak Wawan, Abah Ikin, dulu lah, lagi nakal-nakalnya. Semua warga sini dari dulu memang penggemar berat The Rolling Stones, terutama Mick Jagger,” ceuk Engkus Kuswara (71), Ketua RW 06 mangsa ditepungan Kompas. com di panganjrekanana, Kemis (30/5/2024).
Gang Stones tétéla remen ogé didatangan ku mahasiswa-mahasiswa asing program patukeuran pelajar. Karéréanana panasaran hayang ningali Gang Stones.
“Iya, pengamat-pengamat musik juga sering ke sini. Pertukaran mahasiswa juga pernah dari Thailand, Jepang, ” ngakuna.
Gambar-gambar lambang band The Rolling Stones di saban juru Gang Stones ogé terus dilastarikeun ku warga. Malahan, saban parayaan kamerdekaan 17 Agustus, gambar-gambarna dianyatkeun waé.
“Setiap tahun gambar-gambar di Gang Stones ini desainnya ganti-ganti Minimal setiap tahun ada perbaikan, setiap bulan Agustus direhab dengan anggaran swadaya masyarakat. Tapi tentu kita izin dulu sama yang punya rumah yang temboknya mau kita gambar, ” sambung Soni Sofyan (50) salah saurang warga Gang Stones.
Iki (32), salah saurang nonoman Gang Stones anu kerep aktif dina kagiatan-kagiatan Gang Stones nyaturkeun sesepuh pangadeg Gang Stones mibanda komunitas anu dibéré ngaran Paguyuban Legend Gang Stones. Saban taunna, maranéhna mindeng nyieun kagiatan-kagiatan musik di Balai Serbaguna. Samalah, musisi legendaris kayaning grup musik rock Sahara kungsi manggung di pentas seni Gang Stones.
“Ada tradisi setiap bulan Desember yang dibuat Paguyuban Gang Stones Legend, mereka kumpul-kumpul bikin acara pentas seni, santunan buat anak yatim dan kaum dhuafa. Grup band Sahara juga pernah tampil di sini, ” pokna.
Ti baheula, tambahna Iki, fanatisme sesepuh Gang Stones kana grup musik asal Inggris éta ngakar tepika réa warga anu balap nyieun grup musik anu boga aliran sajalan jeung The Rolling Stones. Tapi, hal éta teu nuluy komersil lantaran sawates nyalurkan hobi wingkul.
“Dulu sesepuh banyak punya band karena ada studio musik kecil-kecilan juga di sini. Tapi sekarang semuanya sudah pada menyebar, pada punya kehidupan masing-masing, ada yang beli rumah di luar, ” caturna. Ngan Iki mastikeun, 70 persén padumuk Gang Stones taya lian katurunan ti pangadeg Gang Stones tur sésana padatang anyar.
Inyana jeung sawaréh padumuk lainna miharep, ngaran Gang Stones bisa sohor deui sanggeus pandemi Covid-19 tur bisa jadi destinasi wisata urban Kota Bandung.
“Dulu sempat ada niatan buat jadi destinasi wisata seperti Kampung Pelangi di Malang, tapi batal karena pandemi covid-19. Semoga bisa terwujud di kemudian hari. Warga sangat welcome jika potensi wisata itu bisa diiwujudkan di sini, ” pungkasna.
Kontributor: Agus Rohmat
