Kiwari.co.id – Sakur nu boga kndaraan bermotor wajib mayar pajak saban taun kuyu paraturan anu lumaku. Lamun pajak telat dibayarkeun mangka baris dikeunakeun sanksi mangrupa dengda. Program pemutihan Pajak Kendaraan Bermotor (PKB) mangrupakeun pamupusan dengda pikeun masyarakat anu elat mayar PKB luyu témpo anu geus ditetepkeun.
Ieu 7 provinsi di Indonesia anu bgayakeun program pemutihan kalawan cacahan jeung tanggal lumangsungna.
1. Jakarta Kawijakan ieu dieusikeun dina Keputusan Kepala Badan Pendapatan DKJ Jakarta Nomor 426 Taun 2024 ngeunaan Penghapusan Sanksi Administrasi Secara Jabatan Untuk Jenis Pajak Kendaraan Bermotor dan Bea Balik Nama Kendaraan Bermotor. Kawijakan pamupusan sanksi administrasi PKB jeung BBNKB Taun 2024 ieu lumaku ti tanggal 11 Juni 2024 nepik 31 Agustus 2024, pikeun sanksi administrasi mangrupa bunga anu timbul akibat katelatan pamayaran pajak kahutang jeung/atawa dengda anu timbul akibat katelatan pangdaftaran kandaraan bermotor.
2. Aceh
Pamaréntah Provinsi Aceh ngayakeun pemutihan pajak kendaraan bermotor ti saprak 18 Desember 2023 nepika 31 Desember 2024. Panyalenggaraan program ieu ngarujuk Peraturan Gubernur Aceh Nomor 40 Taun 2023 ngeunaan Pembebasan Pajak Progresif jeung Denda Pajak Kendaraan Bermotor. Masyarakat anu miluan program pemutihan pajak kendaraan bermotor di Provinsi Aceh baris meunang sababaraha kaénténgan, ngalimpudan: Pangbébasan pajak progresif Pangbébasan dengda pajak kandaraan bermotor. Ngarah meunang kaénténgan pamayaran pajak, nu boga kandaraan kudu nyiagakeun dokumen pasyaratan mangrupa Surat Tanda Nomor Kendaraan (STNK) asli Kartu Tanda Penduduk (KTP) asli luyu ngaran anu aya dina STNK.
3. Jawa Tengah
Pamaréntah daerah Jawa Tengah ogé ngalumakukeun pemutihan pajak saprak 20 Mei tepika 19 Desember 2024. Pemutihan pajak kandaraan bermotor kayaning Pangbébasan BBNKB II, diskon pajak taunan berkala, pangbébasan waragad pajak progresif sarta kaénténgan tunggakan
Ieu jadwal panyelenggaraan pemutihan pajak kendaraan bermotor Jawa Tengah: Proses BBNKB II: 20 Mei 2024 tepika 19 Desember 2024 Diskon Pajak Tahun Berkala : 20 Mei 2024 tepika 19 Desember 2024 Pembebasan Biaya Pajak Progresif : 20 Mei 2024 tepika 19 Desember 2024 Keringanan Tunggakan PKB : 20 Mei 2024 tepika 20 Agustus 2024
4. Bengkulu
Nyutat laman resmi Provinsi Bengkulu, program pemutihan di Bengkulu ngawengku pangbébasan tunggakan PKB, dengda PKB, jeung Bea Balik Nama Kendaraan Bermotor (BBNKB) II. Program ieu jadi bagian tina Kaputusan Gubernur Bengkulu Nomor E290.BPKD. 2024, lumaku ti 4 Juni 2024 tepika 30 November 2024. Pemutihan ieu kaasup pangbébasan Bea Balik Nama Kendaraan Bermotor keur kapamilikan kadua jeung saterusna.
5. Jawa Barat
Badan Pendapatan Daerah Provinsi Jawa Barat (Bapenda Jabar) ogé méré kaénténgan mangrupa potongan pamungutan Pajak Kendaraan Bermotor (PKB). Kaénténgan pamayaran pajak saukur mangrupa diskon pajak kandaraan bermotor gedéna 10 persén anu lumangsung ti 1 April tepika 23 Desember 2024. Tapi, diskon 10 persén éta ngan saukur lumaku di Samsat Digital Terminal Leuwipanjang. “Bapenda Jabar mengadakan program diskon Pajak Kendaraan Bermotor (PKB) sebesar 10 persen bagi wajib pajak yang melakukan pembayaran PKB di samsat Digital Terminal Leuwipanjang,” uni panétélaan dina situs resmina. Promo ieu lumangsung kalayan katangtuan promo: Diskon 10 persén pajak kandaraan bermotor 1 taunan khusus pikeun kandaraan anu kadaftar di wilayah hukum Polda Jabar kalawan syarat: e-KTP asma pribadi; STNK jeung SKKP Asli (lain foto); Pamayaran dilakukeun ngaliwatan Qris,Virtual Account atawa debit EDC (GPN). Diskon 10 persén pajak kandaraan bermotor 5 taunan pikeun kandaraan kadaftar di wilayah Bandung I Pajajaran.
6. Kalimantan Barat Badan Pendapatan Daerah Provinsi Kalimantan Barat (Bapenda Kalbar) ogé méré program pemutihan pajak mangrupa bébas dengda jeung diskon pajak. Kaénténgan pamayaran pajak lumangsung ti 19 Juni tepika 20 Desember 2024. Kawijakan éta kaeusi dina Pasal 74 Undang-Undang (UU) Nomor 22 Taun 2009 ngeunaan Lalu Lintas jeung Angkutan Jalan. Program pemutihan diantarana: Bébas dengda pajak kandaraan bermotor, Bébas dengda Bea Balik Nama Kendaraan Bermotor (BBNKB) II, Bébas pajak progresif. Diskon gedéna 25 persén pokok pajak kandaraan bermotor roda 2 jeung 3 nunggak 4 taun Diskon gedéna 40 persén pikeun pokok pajak kandaraan bermotor roda 2 jeung 3 nunggak 5 taun
7. Jawa Timur
Pamaréntah Provinsi Jawa Timur bagi-bagi insentif dina raraga Hari Ulang Tahun ke-79 Kamerdekaan Republik Indonesia dina bentuk Kawijakan Insentif (Pemutihan) Pajak Daerah pikeun Masyarakat Jawa Timur anu lumaku mimiti 15 Juli – 31 Agustus 2024. Anapon kaénténgan anu dibikeun ngalimpudan: Bébas bea balik nama kendaraan bermotor (BBNKB-II) Bébas sanksi administratif katelatan PKB jeung BBNKB Bébas PKB progresif Bébas dengda SWDKLLJ taun kaliwat
Ropéa basa: Agus Rohmat
