Kiwari.co.id – Dina taun 2018, rahayat Malaysia digeunjleungkeun ku panimuan koleksi ratusan tas Hermes Birkin milik Rosmah Mansor, sang Ibu Negara.
Samalah salah sahijina nyaéta tas Hermes Birkin langka, anu kocap saukur dijieun 2 siki baé per taun ku brand asal Prancis.
Dilaporkeun New York Post, koleksi 284 tas Hermes Birkin milik istri ti manten Perdana Menteri Najib Razak éta dijabel ti 3 apartemen méwah Rosmah jeung kulawarga di Kuala Lumpur.
“Pihak berwajib menemukan ratusan box berwarna oranye dari kondominium milik Rosmah, yang lengkap dengan deskripsi produk,” tulisna dina katerangan, dicutat Hops.ID dina Senén 5 Agustus 2024.
Disebutkeun dina salah sahiji box katulis katerangan yén eusina mangrupakan ‘H-bag Crocodile Himalaya Birkin’.
Dipikaweruh, tas éta rupana dibeuli Rosmah ngaliwatan sahiji lélang dina taun 2017 anu diayakeun di Hong Kong.
“Saat itu pihak lelang mendapat tawaran dari pembeli anonim, dan laku dijual seharga 379.000 USD,” tambahna.
“Pihak lelang menyebutkan jika tas model Niloticus Crocodile Himalaya Birkin berwarna putih itu hanya dibuat satu sampai dua buah per tahun oleh Hermes,” bébérna.
Anapon nilé 379.000 US pikeun hiji tas Birkin modél hiji ieu dina rupiah boga nilé Rp6,1 miliar.
Nilé éta fantastis, lantaran mun seug di Indonesia, Anjeun geus bisa meuli 4 mobil Alphard anu saharga Rp1,5 miliar.
Masih ti New York Post, Rosmah ogé dipikanyaho mibanda sajumlah perhiasan tina berlian, utamana berlian pink anu disebut-sebut langka.
Najib Razak sorangan kabuktian boga salah dina kasus korupsi 1Malaysi Developmet Berhad sanilé 4,5 miliar USD.
Béja sual koleksi tas Hermes Birkin mibanda sang Ibu Negara ieu sempet ngagemparkeun balaréa.
Masyarakat ngakritisi sakumaha kuduna modal ngoleksi tas Hermes Birkin bisa munahan hutang nagara Malaysia.
Tapi, lain ngarasa boga salah lantaran geus ngoleksi tas harga miliaran, kalahka Rosmah kungsi ngajukeun kabeuratan ka pihak berwajib.
Tina laporan South China Morning Post, kuasa hukum Rosmah ngalayangkeun kabeuratan ka patugas anu ngagaradah koleksi Birkin di apartemen méwahna.
“Rosmah mengklaim jika petugas telah merusak tas Hermes Birkin miliknya, dan meminta untuk mengganti biaya perawatan tas,” tulis katerangan laporan.
Rosmah Mansor akhirna divonis 10 taun penjara, lantaran kabuktian ngalakukan korupsi jeung pencucian uang reujeung salaki katut antek-antekna.
Ropéa basa: Agus Rohmat
