Kiwari.co.id – Badan Pengawas Pemilu (Bawaslu) Kabupatén Bandung Barat (KBB) ngungkabkeun ayana 13 kasus pangrempakan dina palaksanaan Pemilihan Bupati jeung Wakil Bupati di Pemilihan Kepala Daerah (Pilkada) Bandung Barat. Katua Bawaslu KBB, Riza Nasrul Falah, ngajéntrékeun yén éta kasus-kasus téh ngalibetken rupa-rupa pangrempakan, kaasup dugaan money politik jeung pangrempakan kampanye. Riza nyebutkeun, tina 13 kasus éta, tujuh kasus geus ditangkes saméméhna, samentara opat kasus anu anyar ieu mah keur satengahing proses.
“Tujuh kasus sudah kita proses sebelumnya, termasuk dua temuan pidana. Kemudian, ada empat kasus baru yang sedang kami bahas, termasuk laporan dari daerah Cipongkor, Parongpong, dan Campelas,” ceuk katua Bawaslu KBB, Riza Nasrul Falah mangsa ditepungan IDEJABAR dina Kemis 28 November 2024.
Nurutkeun Riza, kasus-kasus ieu téh sabagian gedé geus direkomendasikeun ka Sentra Penegakan Hukum Terpadu (Gakkumdu) lantaran aya kaitan jeung pangrempakan pidana. Dijéntrékeun Riza, tina pangrempakan Pilkada Bandung Barat ogé ngalibetkeun sajumlah kepala desa (Kades) anu diduga kalibet dina pangrempakan, kaasup salah sahiji kasus pananyarna di wewengkon Cipongkor.
“Beberapa laporan dan temuan yang masuk melibatkan Kades. Saat ini, ada 9 Kades yang kami identifikasi sebagai terlapor. Salah satu kasus yang mencuat belakangan adalah dugaan money politik,” pokna.
Mayoritas Kasus Money Politik di Pilkada Bandung Barat Riza ngungkapkeun, dugaan money politik kajadianana téh dina pangrempakan pidana anu dilakukeun ku tim sukses (Timses) pasangan calon (Paslon) Hengky Kurniawan – Ade Sudrajat (HADE) jeung pasangan Jeje-Asep (BERJAMAAH). Samalah mah, réa laporan money politik kajadian ngagayuh akhir mangsa kampanye jeung kajadian ogé mangsa reses dewan.
” Ada yang melibatkan pasangan calon nomor 02 dan 03. Untuk nomor 03 kasusnya sudah selesai dengan pelanggaran pidana. nomor 02 masih dalam proses, intinya empat pelanggaran yang masuk pidana ” bébérna.
Satuluyna, Bawaslu téh baris ngangkir pangdoni jeung saksi pikeun klarifikasi jeung proses klarifikasi anu baris dilakukan dina poé Saptu hareup.
” Semua laporan akan ditindaklanjuti sesuai prosedur,” caturna.
Kakait panangkesan pangrempakan Pilkada Bandung Barat, Riza mastikeun yén Bawaslu KBB téh boga komitmen pikeun tuluy nindak sakur laporan anu nyumponan syarat materiil. Ngan, sababaraha laporan mah teu bisa diproses leuwih jauh alatan geus ngaliwatan mangsa kadaluarsa.
“Kami akan terus bekerja sama dengan Gakkumdu untuk memastikan pelanggaran-pelanggaran ini ditangani sesuai hukum,” pokna nandeskeun.
Ropéa basa: Agus Rohmat
