Jakarta, Kiwari.co.id – Raja Arab Saudi, Salman Bin Abdulaziz Al Saud, ngirimkeun deui sajumlah bantuan keur Indonesia. Hal ieu téh dikirimkeun ngagayuh Bulan Suci Ramadan.
Bantuan anu dibikeun ku Raja Salman mangrupa pakét sembako réana 7.911 pakét pikeun warga RI anu kurang mampuh. Bantuan ieu téh dipasrahkeun langsung Duta Besar (Dubes) Arab Saudi keur Indonesia, Faisal Abdulah H. Amodi, di kantor Badan Amil Zakat Nasional (BAZNAS), Senén (17/2/2025).
Ketua BAZNAS, Prof. Dr. KH. Noor Achmad, MA, nyaturkeun yén pihakna nganuhunkeun pisan ka pihak Saudi kana bantuan ieu téh. Bantuan ieu dibikeun barung jeung momen Ramadhan anu ditunggu-tunggu umat Islam di Indonesia.
“Tahun ini juga kami memperoleh banyak bantuan pangan dari Arab Saudi. Bantuan juga sudah ada telah disalurkan ke Jakarta, Jawa Barat, Banten, dan Jawa Tengah,” caturna.
Achmad ogé ngajéntrékeun yén pihakna ogé baris terus ngaronjatkeun kualitas gawé bareng jeung Arab Saudi dina distribusi bantuan.
“Semoga Allah SWT meridhai Raja Salman, Kerajaan Arab Saudi, dan para penduduknya,” tambahna.
Sawanda jeung Achmad, Dubes Faisal Amodi ogé ngungkabkeun bantuan ieu langsung mangrupakeun arahan ti Raja Salman katut Putra Mahkota Mohamed Bin Salman (MBS). Inyana nyebutkeun bantuan ieu téh mangrupakeun bukti peran Saudi dina kamekaran dunia Islam.
“Bantuan ini juga merupakan kepedulian Arab Saudi terhadap Umat Islam. Terkhusus dalam bulan suci Ramadhan dan acara keagamaan lainnya,” poknaa.
Dubes Faisal ogé ngadu’akeun warga RI sakabéhna bisa ngajalankeun puasa kalayan sahadé-hadéna. Inyana ogé muka panto gawé bareng leuwih jauh lantaran portofolio bantuan Raja Salman anu geus ngarambah ka sajumlah widang.
“Raja Salman juga memiliki kegiatan kesehatan, kemanusiaan, dan pendidikan. Kami juga telah mengadakan operasi terhadap anak-anak di Rumah Sakit Harapan Kita Indonesia,” tambahna.
Ropéa basa: Agus Rohmat
