Kiwari.co.id – Kantor redaksi Tempo narima deui kiriman teu wajar mangrrupa bangké beurit anu geus dipeuncit dina Saptu (22/3/2025). Ieu téh mangrupakeun téror kadua sanggeus saméméhna narima pakét anu eusina hulu babi.
Dumasar panétélaan katulis anu sumebar, éta kajadian téh mimitina nalika pamancén kabersihan Tempo manggihan éta pakét nyurigakeun dina poé éta sakitar tabuh 08.00 WIB.
Éta kotak kardus téh kabungkus keretas kado kelir kembang ros beureum tur mimitina mah diduga eusina mi instan. Ngan, sanggeus dibuka, tétéla eusina genep bangké beurit anu huluna geus diteukteuk tur ditumpukkeun jeung awakna. Teu dipanggihan tulisan atawa pesen nanaon dina éta kardus mahkotak.
Dunasar pamariksaan awal anu dilakukeun manajemen gedong mah, éta bungkusan anu eusina bangké beurit téh dibalangkeun ku jalma teu wawuh ti luareun pagar kompleks kantor Tempo di Jalan Palmerah Barat, Jakarta Selatan, sakitar tabuh 02.11 WIB.
Pamancén kaamanan ngaduga yén éta kotak téh keuna kana hiji mobil anu keur diparkir terus ragrag kana aspal. Tapak baréd kapanggih dina mobil anu kakeunaan pamalédog.
Teror Kadua Sanggeus Kiriman Hulu Babi
Sababaraha poé samaméhna, dina 19 Maret 2025 mah, redaksi Tempo ogé narima pakét anu eusina hulu babi taya ceulian. Paket éta téh dikirim ku saurang jalma anu ngagunakeun atribut aplikasi pangiriman barang tur ditujukeun keur ka Francisca Christy Rosana, wartawan desk politik sakaligus host siniar Bocor Alus Politik.
Teror ka Tempo téh mingkin nyata sanggeus dina 21 Maret 2025, redaksi narima pesen ancaman ngaliwatan media sosial. Akun Instagram @derrynoah téh ngirim pesen eusi ancaman yén téror baris terus dilakukeun nepi ka kantor Tempo “mampus”.
Pamimpin Redaksi Tempo Setri Yasra nandeskeun yén kiriman bangké beurit ieu mingkin negeskeun ayana upaya téror kana gawé jurnalis.
“Pengirimnya dengan sengaja meneror kerja jurnalis,” ceuk Setri dina panétélaanana, Saptu.
“Jika tujuannya untuk menakuti, kami tidak gentar, tapi stop tindakan pengecut ini.”
Dina 21 Maret 2025 mah, Setri téh geus ngadonikeun kasus teror pakét hulu babi ka Markas Besar Polri. Barang bukti ogé geus dipasrahkeun ka pihak kapolisian pikeun panalungtikan lebih jauh.
Mabes Polri mangsa ieu geus ngabentuk tim khusus pikeun nyusud palaku jeung motif dina satukangeun aksi téror ieu. Sakitar 20 anggota polisi ngadatangan kantor Tempo dina Sabtu janari pikeun ngadokumentasikeun bangké beurit anu dikirim.
Samentara éta, jurnalis Kompas.tv geus mecakan ngonfirmasi ihwal kajadian éta ka Kabid Humas Polda Metro Jaya Kombes Pol Ade Ary, ngan nepika warta ieu ditulis mah tacan meunang jawaban ti inyana.
Ropéa basa: Agus Rohmat
