Kiwari.co.id – Lini rongkah geus ngagénjlongkeun Asia Tenggara. Éta lini téh ngarubuhkeun gedong pangcakar langit anu keur diwangun di Bangkok, Thailand tur ngagebrukeun gedong-gedong di kota tatangga panggedéna kadua di Myanmar.
Laporan Reuters dina Jumaah (28/3/2025), nyutat Survei Geologi Amerika Serikat (USGS), nyaturkeun yén lini anu kajadian dina waktu ompréng téh mibanda kakuatan magnitudo 7,7 jeung 10 km (6,2 mil) jerona tur dituturkeun lini susulan anu kuat.
Puseur lini aya di sabudeur 17,2 km ti kota Mandalay di Myanmar, anu paduukna sakitar 1,5 juta jiwa.
Tacan aya panétélaan langsung ti otoritas Myanmar mah ngeunaan karuksakan téh. Militer anu kumasa di Myanmar ngabéwarakeun kaayaan darurat di sababaraha wewengkon.
Di Bangkok mah, sababaraha gedong jangkung ruksak. Ibu kota Thailand ogé geus ditétélakeun minangka wewengkon bancana, ceuk balé dayeuh Bangkok dina poé Jumaah.
Ngan masih tacan dumuk sakumaha lobana korban jiwa mah. Di Bangkok, saeutikna tilu jalma tiwas tur puluhan pagawé disalametkeun ti handapeun ruruntuhan gedong pangcakar langit anu rubuh, ceuk Institut Kadokteran Darurat Nasional Thailand.
Nurutkeun dua urang saksi mata mah, saeutikna tilu urang tiwas sanggeus hiji masjid di Myanmar sawaréhna ngagebru.
Tilu Mal Gedé di Bangkok ditutup Saheula anan
Tilu mal gedé di ibu kota Thailand anu dioperasikeun ku Siam Piwat Group geus ditutup saheula anan, kalayan sakabéh staf jeung palangganna dievakuasi kalayan salamet.
Mall-mal gedé éta téh nyaéta Siam Paragon, Siam Center, jeung Siam Discovery di puseur dayeuh Bangkok. Inspeksi baris dilakukeun ku nganilé kasalametan, nurutkeun kolompok pausahaan éta dina hiji panétélaan.
Amnesty International Ménta Militer Myanmar Idinkeun Akses Kamanusaan
Panalungtik Myanmar di Amnesty International Joe Freeman mah nyaturkeun yén lini anu kajadian mangsa ieu téh nyaéta anu panggoréngna pikeun Myanmar mah.
“Lebih dari tiga juta orang masih mengungsi di dalam negeri akibat konflik bersenjata yang telah berkecamuk sejak kudeta militer 2021. Lebih dari sepertiga penduduk akan membutuhkan bantuan kemanusiaan tahun ini. Pada saat yang sama, dampak pemotongan bantuan AS terhadap layanan kemanusiaan di negara itu baru mulai terasa,” pokna.
Freeman nyaturkeun akses media anu kawates hartina sigana mah taya gambaran anu jéntré ngeunaan tingkat karuksakan jeung kerugian dina sababaraha waktu ieu.
Myanmar Tengah, anu dipiyakin minangka episentrum lini, geus diruksak ku tarajangan udara militer jeung bentrokan antara kolompok perlawanan katut militer. Militer Myanmar mibanda praktik heubeul pikeun nolak bantuan ka wewengkon-wewengkon tempat kolompok anu nentangna aktif. Badan PBB: laporan nuduhkeun ‘karuksakan signifikan’ di Myanmar
Saurang juru wicara Kantor Urusan Kemanusiaan Perserikatan Bangsa-Bangsa mah nyaturkeun yén geus mecakan ngumpulkeun informasi ngeunaan balukar éta lini.
“Laporan awal menunjukkan kerusakan signifikan di bagian tengah negara, di Negara Bagian Mandalay, dekat episentrum gempa, serta Nay Pyi Taw, Bago, Magway, Sagaing, Shan, dan mungkin daerah lainnya,” ceuk éta juru wicara.
“Kami mengumpulkan informasi tentang orang-orang yang terkena dampak, kerusakan infrastruktur, dan kebutuhan kemanusiaan yang mendesak untuk memandu tanggapan dan akan membagikan lebih banyak pembaruan saat informasi tersedia.”
Bursa Saham Thailand Ngeureunkeun Padagangan
Bursa Saham Thailand ngeureunkeun sakur aktivitas padagangan pikeun sesi soré dina poé Jumaah.
“Setelah insiden gempa bumi, Bursa Saham Thailand dengan ini mengumumkan penghentian sementara semua aktivitas perdagangan,” ceuk operator bursa di situs webna.
“Penutupan ini memengaruhi semua pasar, termasuk SET, Pasar Investasi Alternatif (MAI), dan Bursa Berjangka Thailand (TFEX), untuk sesi sore hari ini.”
Indeks acuan SET pangahirna mah didagangkeun 1,05% leuwih handap dina level panghandapna leuwih ti saminggu di 1.175,45 poin. Indeks ieu téh didagangkeun dina sakitar level éta méh sapanjang sesi lantaran saham tetep kateken ku tarif otomotif AS anu anyar.
Ropéa basa: Agus Rohmat
