Ngamprah, Kiwari.co.id – Dunya pangdidikan di Indonesia mah teu bisa leupas tina jasa kahadéan inohong nasional anu ngaranna Ki Hajar Dewantoro dina mangsa anu geus lawas kaliwat, mangka pikeun miéling jasa anu kacida gedéna éta, mangka saban taun sok dipiéling ku sakur intansi pamaréntahan boh tingkat nasional pon kitu deui di daérah.
Kitu ogé miéling Poé Pangdidikan Nasioanal (Hardiknas) 2025 ogé diayakeun di Kabupatén Bandung Barat (KBB) anu lumangsung kalayan pohara reuahna, tur digelar di Plasa Mekar Sari-Ngamprah, Jumaah (2/5/2025).
Teu kurang ti 10.000 urang guru katut tanaga pangdidik dikerahkeun ku Dinas Pendidikan (Disdik) KBB. Dina mangsa éta sakur pamilon maraké papakéan adat tur direuah-reuah ku rupa-rupa atraksi kasenian ti barudak sakola.
Ieu upacara Hardiknas 2025 téh diluluguan langsung ku Bupati Bandung Barat, Jeje Ritchie Ismail, tur inyana ogé macakeun biantara Menteri Pendidikan Dasar jeung Menengah Republik Indonesia, Abdul Mu’ti.
Dina salah sahiji ungkara Menteri anu sibacakeun téh nyaéta nétélakeun yén pangdidikan mah taya lian hak asasi jeung hak sipil sakur warga nagara anu teu meunang diwatesanan ku bédana agama, séké sélér, ekonomi, atawa lelewek geografis.
“Presiden Prabowo telah menempatkan pendidikan sebagai prioritas utama pembangunan nasional. Melalui revitalisasi sarana-prasarana, pembelajaran digital, serta peningkatan kualitas guru, kita sedang membangun masa depan Indonesia yang adil dan makmur,” ceuk Bupati.
Inyana ogé mertélakeun, yén pamaréntah keur satengahing ngaimplementasikeun rupa-rupa program strategis kayaning pangulikan anu jero (deep learning), tés kamampuhan akademik, panguatan literasi digital jeung AI, sarta program karakter Anak Indonesia Hebat.
Sakumaha anu geus disabit ti saméméhna yén momentum Hardiknas anu dipiéling saban tanggal 2 Mei ieu téh, jadi panginget kana jasa kahadéan anu pohara gedéna Ki Hadjar Dewantoro, Bapak Pendidikan Nasional anu gumelar dina 2 Mei 1889.
Filosofina anu legendaris “Ing Ngarsa Sung Tuladho, Ing Madya Mangun Karso, Tut Wuri Handayani” diaweuhankeun deui minangka landasan moral katut etika dunya pangdidikan.
Dina mangsa saréngséna upacara téh Jeje jeung para gegedén katut pajabat séjénna mah langsung asup ka Masjid As-Shidiq pikeun ngagelar du’a rejeung. Di hareupeun para jamaah anu maraké papakéan sing sarwa bodas, Jeje téh nyaturkeun yén Bandung Barat dina mangsa ieu mah masih nyanghareupan tangtangan pangwalatraan aksés jeung kualitas.
Sok sanajan kitu, pamaréntah daérah boga komitmen kuat pikeun terus ngaropéa tur ngalegakeun layanan pangdidikan ngaliwatan rupaning program prioritas.
“Kami sadar bahwa kualitas dan akses pendidikan di Bandung Barat belum merata. Karena itu, strategi AMANAH kami jalankan, yang salah satunya fokus pada peningkatan mutu serta pemerataan layanan pendidikan,” caturna Jeje.
Lian ti éta, inyana ogé ngaitkeun pangwangunan pangdidikan jeung situasi demografi Indonesia anu dina mangsa ieu téh keur aya dina satengahing mangsa bonus demografi.
Jumlah padunuk umur produktif anu pohara luhurna, ceuk inyana mah perelu paningkatan kualitas SDM minangka konci pikeun nyegah potensi ngaronjatna pangangguran jeung kamasakatan di mangsa hareup.
“Bonus demografi hanya akan menjadi anugerah jika kita mampu menyiapkan SDM yang unggul, terampil, dan berkarakter. Sebaliknya, jika kualitas SDM kita rendah, maka justru bisa menjadi bencana sosial,” tandesna.
Teu kaliwat inyana ogé ngapresiasi léngkah Dinas Pendidikan anu nyalenggarakeun pangéling-ngéling ieu kalayan tanpa caliweura, malahan mah pinuh ku kabasajanan tur pinuh makna.
“Do’a bersama ini adalah wujud kesadaran kita bahwa kesuksesan pendidikan tidak hanya bisa dicapai melalui kerja keras, tetapi juga melalui kekuatan spiritual. Kita berikhtiar, namun pada akhirnya hanya Allah SWT yang menentukan hasilnya,” ucapna.
Dina upacara miéling Hardiknas 2025 éta téh diluuhan ku Kapala Disdik KBB, Asep Dendih tur nyaturkeun yén dina upacara mangsa ieu mah pamilon anu kalibat téh ti guru jeung tanaga pangdidikan anu réana 9.613 urang. Maranéhna téh anu kacatet milu éta agenda. Anu ilubiung langsung milu upacara téh ti rupaning sakola sa-KBB ieu téh lobana 2.500 urang.
“Acara ini juga diikuti oleh sekitar 180.000 guru, tenaga kependidikan serta para pelajar tingkat SD dan SMP secara live streaming, yang tidak hadir di sini,” jéntréna.
Ropéa basa: Agus Rohmat
