Kiwari.co.id – Salah sahiji pananya anu mindeng muncul kakait dunya sato: ari bayawak bahaya? Jeung naon anu ngabédakeunana ti komodo dina ekosistem maranéhna?
Dunya sato mah pinuh ku mahluk anu matak narik, kaasup bayawak jeung komodo. Ieu kadua sato téh sering disalahhartikeun minangka hiji spesies, ngan sabenarna mah maranéhna mibanda pangbéda anu nyongcolang.
Artikel ieu baris medar sakumaha bahayana bayawak tur naon baé pangbédaana jeung komodo.
Bayawak téh galibna mibanda ukuran leuwih leutik batan komodo tur mibanda temperamen anu leuwih lindeuk. Ngan, sababaraha jinis bayawak mah bisa jadi agresif mun ngarasa kaancam. Bayawak ogé mawa bakteri dina ciduhna anu bisa ngabalukarkeun infeksi dina tapak gégélanana.
Di sagigireun séjén, Komodo téh tayalian kadal panggedéna di dunya tur mangrupakeun predator puncak dina habitatna mah. Komodo sohor ku gégélanana anu ngandung baktéri tur kamampuhanana pikeun ngalegleg mangsa kalayan weuteuh atawa mampuh neureuy buleud. Sok sanajan komodo mah umumna teu narajang manusa, maranéhna bisa jadi bahaya lamun seug mogok atawa kaserempek komo mun dideukeutan deukeut teuing.
Wargi Kiwari prak tengetan pedaran leuwih jéntré ngeunaan bahaya bayawak jeung komodo, sarta pangbédaan fisik katut perilaku maranéhna ieu.
Ngeunaan Spesis Purba anu Geus Hirup Jutaan Taun.
Dipiwanoh minangka salah sahiji kadal raksasa, Varanus salvator atawa bayawak cai Asia, aya dina puncak hierarki kulawarga Varanidae. Kulawarga ieu anggahotana sakitar 50 spesies anu rupa-rupa, kaasup Sang legendaris Naga Komodo.
Ngalansir The Reptarium, bayawak cai sorangan mangrupakeun spesies purba anu geus nagen salila jutaan taun. Awakna calangker jeung buntut anu tohaga ngajadikeun bayawak cai Asia babari dipiwanoh.
Warna dominan maranéhna téh nyaéta cokelat poék atawa hideung, kalayan totol-totol konéng anu nyongcolang dina tonggongna anu remen samar sariring nambahna umur.
Beuheung anu panjang tur sungut anu monyong jadi ciri khas maranéhna. Caréham kuat, huntu seukeut régés katut kuku anu ranggoaa sareukeut lain saukur pakakas dahar wungkul, tapi ogé tatagenan ti predator.
Hirup semi-akuatik, bayawak cai Asia téh mindeng katingali di deukeut sumber cai kayaning balong jeung wahangan. Maranéhna mah bisa adaptasi dina cai tawar pon kitu deui cai asin, lincah di darat tur mahir naékan tangkal. Fakta unikna,
bayawak cai Asia mah mampuh nahan ambekan dina jero cai atawa teuleum nepika satengah jam lilana.
Minangka predator karnivora, bayawak cai Asia mibanda diet anu ragem. Maranéhna mah moro serangga, manuk, bangkong, sato pangeret, jeung rajeun ogé oray. Di Thailand jeung Malaysia, bayawak cai ogé kanyahoan ngamangsa kapiting jeung lauk.
Ukuran bayawak cai Asia déwasa téh sakitar antara 4 nepika 6 kaki kalawan beurat 40 nepika 90 pon. Rékor biawak cai Asia panggedéna mah nyaéta panjang 10,5 kaki tur beurat 165 pon!
Bayawak cai Asia kasebar di Asia Tenggara, kaasup di China, Thailand, Bangladesh, Vietnam, India, Indonesia, Singapura, jeung Malaysia. Maranéhna nyicingan habitat anu beragam, ti leuweung bakau nepika rurungkunan. Di panangkaran, bayawak cai Asia mah bisa hirup nepika 25 taun ku parawatan anu hadé. Ngan, di alam jarah mah, umurna rata-rata saukur 11 taun.
Ari Bayawak Bahaya?
Ngeunaan bahaya, bayawak cai Asia mah mémang mibanda peurah, tapi teu ngabahayakeun manusa. Maranéhna loyogna lindeuk tur jarang nyerang iwal keur méla diri. Ngan, perelu diingeut yén gégélan maranéhna mah bisa nyababkeun tatu tur infeksi bakteri, sahingga perlu gancang panangkesan medis. Sok sanajan tangtuna ogo insiden serangan kacida langkana.
Pikeun ngajadikeuna minangka sato piaraan, bayawak cai Asia mah ngabutuhkeun pangukut anu pangalaman kana reptil eksotis gedé. Sabab, bayawak mah merelukeun perhatian khusus, loba rohang, tur lain pilihan tepat pikeun nu boga sato kukut anu mikarep sato anu leuwih mandiri.
Naon Pangbédaan Bayawak jeung Komodo?
Komodo jeung bayawak téh dua spesies reptil anu matak hookeun, mibanda ciri khas masing-masing anu sarimbag sekaligus unik. Tah ieu sababaraha pangbédaan bayawak jeung komodo téh sakumaha dilansir ti Restorasi Ekosistem Riau.
Komodo téh kawentar minangka kadal panggedéna di dunya mah, saukur bisa dipanggihan di kapuloan Indonesia. Maranéhna téh mibanda gégélan anu maténi, tina racun anu dipibanda ku maranéhna. Bayawak mah leuwih remen katimu tur kasebar lega di Asia, Afrika, jeung Australia.
Komodo jalu déwasa mah mibanda beurat anu nepi kana 70-90 kg tur panjang nepi ka 2,59 méter. Komodo bikanangna mah saeutik leuwih hampang, kalawan beurat 69-73 kg tur panjang sakitar 2,29 méter. Sedengkeun, bayawak mah mibanda ukuran anu leuwih variatif, kalayan panjang umumna antara 1 – 3 méter.
Habitat Komodo téh kacida eksklusif, kawates di Pulo Komodo jeung sababaraha pulo di sabudeureunna. Sabalikna, bayawak mah nyebar di rupa-rupa lingkungan, ti mimiti leuweung hujan nepika daérah ngandung cai.
Dina hal perilaku moro, Komodo téh nyaéta predator anu dominan, ngamangsa sato-sato gedé dina ekosistemna. Bayawak ogé mangrupakeun karnivora, ngan mangsana ilaharna leuwih leutik.
Komodo mah mibanda kamampuhan ngojay tur teuleum anu luar biasa, mampuh ngudag mangsa kalawan gancangna nepi ka 20 km/jam.
Komodo téh kacida bahayana tur teu cocog pikeun dijadikeun sato kujutan. Di sagigireun séjén, bayawak mah sanajan agresif, dianggap kurang bahaya tur sababaraha jinisna malahan mah dipiara.
Tina perspektif konservasi, Komodo téh dikategorikeun minangka spesies anu kaancam tumpur jeung meunang panyalindungan khusus di Indonesia mah. Sedengkan ari bayawak mah, sanajan statusna Least Concern, sababaraha spesiesna mah nyanghareupan ancaman akibat padagangan kulit jeung panggunaan bagian awakna dina pangobatan tradisional.
Ku ngulik leuwih jauh ngeunaan dunya sato mah, urang téh bisa ngajénan kaunikan saban spesies, kaasup bayawak anu remen dianggap bahaya katut komodo anu pikatajieun. Kadua makhluk ieu téh ngawarah ka urang yén dina karageman alam, aya palajaran anu gedé ajén ngeunaan ekosistensi jeung kaharmonisan hirup.
Ropéa basa: Agus Rohmat
