Kiwari.co.id – Pamaréntah Kabupatén Cianjur baris ngalampahkeun program pangbinaan karakter pikeun siswa boga masalah ngaliwatan palatihan di barak militer. Program ieu téh nyasar siswa anu kalibet tawuran, wangkelang ka kolot, sarta ngarandapan kacanduan game online. Bupati Cianjur, Muhammad Wahyu Ferdian, mertélakeun yén pangbinaan éta téh mibanda tujuan ngabentuk karakter siswa ngaliwatan pangdidikan béla nagara.
“Kategorinya siswa yang memang bermasalah. Apabila ada siswa terindikasi gemulai dan kecanduan game online pun akan dibina. Nanti mereka akan mendapatkan pendidikan bela negara,” ceuk Wahyu ka wartawan, Ahad (4/5/2025), dicutat ti Tribun Jabar.
Inyana ogé nambahkeun, salila proses pangbinaan lumangsung, siswa baris direujeungan tanaga psikolog jeung pamancén kaséhatan pikeun muguhkeun aspek emosional katut fisik maranéhna tetep katangén.
“Mengenai teknisnya, nanti kami koordinasi dengan instansi atau dinas terkait,” pokna.
Ieu program téh dijadwalkeun bakal diguluyurkeun kalayan resmi dina Salasa (6/5/2025) tur digagas ku Dinas Pendidikan Pemuda jeung Olahraga (Disdikpora) Kabupatén Cianjur.
“Setiap siswa bakal mengikuti pembinaan di barak TNI selama dua pekan. Program tersebut bukan pendidikan militer, melainkan pendidikan karakter supaya para siswa lebih disiplin,” ceuk Kepala Bidang SMP Disdikpora Cianjur, Helmi Halimudin.
Salila program lumangsung mah, para siswa téh tetep bakal meunang materi palajaran formal luyu jeung jenjang pangdidikan maranéhna. Éta materi téh bakal ditepikeun langsung ku guru-guru SMP anu dipancénkeun kalayan khusus.
“Nanti kami akan pilih beberapa guru SMP di Cianjur untuk mengisi materi selama para siswa di barak. Bahkan, setelah mereka mengikuti program itu, mereka akan terus dipantau perkembangannya,” ceuk Helmi.
Saméméhna, Girangpangagung Jawa Barat, Dedi Mulyadi, geus ngalampahkeun program siswa anu boga masalah milampah pangbinaan di barak militer reujeung TNI. Program ieu téh geus lumampah di Purwakarta katut Bandung.
Ropéa basa: Agus Rohmat
