Cianjur, Kiwari.co.id – Badan Penanggulangan Bencana Daerah (BPBD) Kabupatén Cianjur, Jawa Barat mastikeun dua kontraktor anu teu ngalaksanakeun kawajibanana ngawangun 32 imah tahan gempa di Kacamatan Cugenang mulangkeun dana Rp1,9 miliar gedéna dina poé Senén (13/1).
Kepala Bidang Rehabilitasi dan Rekonstruksi BPBD Kabupatén Cianjur, Nurzein, di Cianjur, poé Ahad, nyaturkeun kadua kontraktor éta téh diduga ngalakukeun pamalsuan dokumen mimiti tina tanda tangan panarima nepi ka tanda tangan jeung cap Bupati Cianjur.
“Sehingga 42 kepala keluarga warga Kampung Cisarua, Desa Sarampad, Kecamatan Cugenang melaporkan hal tersebut ke BPBD Cianjur, dan tercatat 32 kepala keluarga sudah mencairkan bantuan stimulan dengan total Rp1.920.000.000,” pokna.
Éta perkara kanyahoan sanggeus wawakil warga datang ka Kantor BPBD Cianjur anu mertanyakeun pangcairan bantuan stimulan téh teu kungsi katarima. Diduga mah pihak kontraktor ngalakukeun pangcairan ku ngagunakeun dokumen katut tanda tangan palsu panarima.
Malahan mah diduga kuat kontraktor ogé ngagunakeun tanda tangan jeung cap palsu Bupati Cianjur, lantaran sanggeus dicék tina 42 korban bancana panarima dana stimulan mah aya dana gempa keur 32 kapala Kulawarga anu geus dicairkeun lantaran syaratna geus kacumponan.
“Setiap berkas masuk langsung dikonfirmasi tim teknis, setelah dinyatakan lengkap dilanjutkan proses pencairan sesuai prosedur karena tidak dicairkan pihaknya dapat dituntut kontraktor,” pokna.
Inyana ogé ngajéntrékeun, yén nalika imah anu diwangun teu dimanfaatkeun panarima boga potensi jadi karugian nagara, sahingga pihakna ménta dua kontraktor téh nyieun surat panétélaan keur mulangkeun dana gempa éta paling elat dina Senén (13/1).
“Keduanya menyanggupi mengembalikan uang pembangunan rumah korban gempa yang sudah dicairkan sebanyak 32 kepala keluarga itu karena tidak ditempati pemilik dan sudah merugikan negara,” pokna.
Sagigireun ti éta wawakil warga Kampung Cisarua, Désa Sarampad kungsi ngadatangan Kantor BPBD Cianjur pikeun mertanyakeun ayana dana bantuan stimulan pangwangunan imah ruksak akibat lini pikeun 42 kapala kulawarga anu geus dicairkeun oknum kontraktor.
Pasalna maranéhna anu nganjrek di zona beureum Sesar Cugenang téh nolak relokasi mandiri ka parumahan di Kacamatan Cilaku, Mande jeung Cianjur lantaran ku rupa-rupa alesan, sahingga milih tetep nagen di pakampungan heubeul.
“Namun kami mendapat informasi kalau dana stimulan yang kami dapatkan sudah dicairkan oknum kontraktor tahun 2023, sehingga kami mencari kepastian karena dari 42 kepala keluarga yang mengajukan tidak pernah mencairkan bantuan,” ceuk wawakil warga, Vit Christian.
Malahan mah warga mawa bukti pangcairan bantuan stimulan 100 persén anu teu kungsi ku maranéhna ditandatangan atawa imah anu ku maranéhna dicicingan teu dioméan deui, sahingga warga ngaduga dokumen anu direujeungkeun téh palsu.
Ropéa basa: Agus Rohmat