Bandung, Kiwari.co.id – Para patani entéh Pangalengan, Kabupatén Bandung kiwari téh ngalaman kingkin anu jero. Pasalna mah lahan entéh anu digarapna salila ieu geus robah jadi lahan pakebonan sayuran.
Para patani entéh anu kalolobaanana digawé di PTPN téh terus ngalakukeun paido jeung rupa-rupa aksi protes. Maranéhna nolak lahan pakebonan entéh anu mangsa ieu geus pindah fungsi jadi lahan pakebonan sayur.
Salah saurang patani entéh Wildan Awaludin nyaturkeun, mangsa ieu téh aya hiji kolompok anu kerep ngalih fungsikeun lahan tina kebon entéh jadi kebulon sayuran. Padahal mah mayoritas warga digawé minangka pametik entéh.
“Warga sekarang tidak bisa melakukan aktivitasnya memetik teh. Ini mah dibabatnya orang sekitar juga. Mereka dibayar karena mungkin enggak punya penghasilan juga jadi pas disuruh asal kerjakan saja,” catur Wildan mangsa dikonfirmasi, Salasa (22/4/2025).
Ceuk inyana mah ku ayana parobahan lahan éta téh panghasilan para pametik entéh beuki ngurangan. Lantaran ayeuna mah tangkal entéhna ogé geus dibabad ku jalma anu teu tanggungjawab.
“Gimana lagi pohon tehnya juga gak ada,” pokna.
Wildan ogé nyebutkeun yén mangsa ieu aparat ti kawilayahan geus ngalakukeun komunikasi jeung éta warga. Éta hal dilakukeun demi nyungsi solusi tina ayana ieu kajadian.
“Rencananya pemerintah daerah dan PTPN yang memiliki lahan bakal melakukan penghijauan kembali di kawasan tersebut,” jéntréna.
Ucing-ucingan
Samentara éta, Plt Camat Pangalengan, Vena Andriawan ngungkabkeun éta lahan entéh téh diduga dialihfungsikan kalayan ditungtut ku oknum warga. Hal éta téh dipikanyaho sanggeus ngayakeun koordinasi reujeung pihak PTPN.
“Jadi dari 6.000 hektar yang dikelola PTPN di Pangalengan itu, 100 hektarnya memang dikerjasamakan untuk area wisata, berarti legal ya. Nah, yang 90 hektarnyanya itu yang ilegal diserobot warga,” ceuk Vena.
Vena ogé nyebutkeun yén tina pangakuan PTPN mangsa ieu mibanda kawatesan personil. Nepika patugas kerep kabongohan mangsa ngajaga lelewek anu aya di wilayah Pangalengan.
“Karena misalnya dijaga yang sektor A, sektor B dijarah gitu ya, dan itu seperti kucing-kucingan lah judulnya mah. Terus ya memang posisinya juga ya kita memaklumi ya memang ya luas lahan yang luar biasa. Tidak mungkin dipantau secara terus menerus ya karena memang ada sekitar 6.000 hektar,” bébérna.
Nurutkeun inyana aksi panyorobotan atawa pangjarahan éta téh dilakukan wanci peuting. Sahingga napika warga arék metik entéh kondisina geus jadi lahan anu turundul.
“Ketika subuh tiba-tiba sudah hancur saja. Ketika dibenerin lagi, ada lagi ada yang rusak di area lain. Karena terus-menerus ya akhirnya kan banyaklah ya yang rusak sampai jadi lahan kebun, jadi sayuran dan sebagainya,” ucapna.
Sanggeus kitu mah pihak Forkopimcam jeung PTPN langsung ngupayakeun melakan deui dina lelewek anu turundul, Senén (21/4/2025).
Ngan dina mangsa ngalakukeun pamelakan tiba-tiba para petani entéh éta téh mudalkeun amarahna kana lelewek anu geus jadi pakebonan sayur.
“Kemarin tuh ada 400 orang yang hadir dari serikat petani perkebunan teh. Pasti ada aja orang yang marah dan meluapkan emosinya. Apalagi dulunya kebun teh, sekarang terlihat jadi perkebunan sayur,” caturna.
Ceuk inyana mah aksi amarah warga éta téh teu lumangsung lila tur kondusif deui. Satuluyna mah warga atwa para patani entéh téh langsung baralik deui ka imahna séwang-séwangan.
Vena ngirong alih fungsi lahan téh dilakukeun ku salah saurang oknum warga di Pangalengan. Ngan hal éta mah masih diteuleuman kubaparat kakait.
“Kalau saya dengar dari Pak Kapolsek dan pihak PTPN. Jadi memang ya ada orang-orang mungkin yang memanfaatkan ini. Tidak menutup kemungkinan juga mungkin ada oknum ya,” pokna Vena.
Ditalungtik Pulisi
Sagigireun éta, Kapolsek Pangalengan AKP Edi Pramana nyebutkeun kakait éta pasualan yén polisi mangsa ieu masih ngalakukeun panalungtikan. Sahingga mangsa ieu masih ngalakukeun paneuleuman éta kasus.
“Kalau untuk penanganan perkara (alih fungsi lahan) masih dalam penyelidikan,” ceuk Edi.
Inyana nambahkeun belsababaraha urang patani reujeung PTPN awalna kungsi melakeun tatangkal. Para patani ogé kungsi kasundut emosi tur langsung mudalkeunana.
“Kemarin itu ada penanaman pohon. Terus ratusan masa Serikat Pekerja Perkebunan teh PTPN tidak terkendali. Ada beberapa para petani yang mencabut kebun sayur dan beberapa saung dibongkar,” pungkasna.
Respons Bupati
Bupati Bandung Dadang Supriatna buka soara kakait ayana alih fungsi lahan kebon entéh anu kajadian di Pangalengan, Kabupatén Bandung. Komo deui éta hal téh dilakukeun diduga ku oknum masarakat.
Puluhan hektare lahan pakebonan entéh anu aya di Pangalengan téh mangsa ieu geus turundul. Malahan mah tina lahan anu turundul éta téh sawaréhna geus dipelakan pepelakan sayuran wortel nepika hui kumeli.
“Perusakan lahan Pangalengan mah sesuai dengan aturan undang-undang ya harus dilakukan penindakan,” pokna Dadang, ka awak media, Salasa (22/4/2205).
Dadang ngungkabkeun mangsa ieu pamaréntah teu kungsi ngaluarkeun idin kakait alih fungsi tina kebon entéh kana kebon sayur. Ceuk inyana mah hal éta téh kudu diluyukeun jeung tata rohang.
“Selama ini kami tidak mau mengeluarkan izin, karena belum ada ketentuan yang namanya HGU (Hak Guna Usaha) ya ada bangunan. Nah, kecuali kalau tata ruangnya sudah sesuai dengan ATR, nah baru ada peningkatan,” pokna.
Inyana nandeskeun pamaréntah teu bisa dapon kitu baé dina ngaluarkeun idin lahan. Saméméh ngaluarkeun idin, ceuk inyana, pamaréntah baris leuwih tiheula ngaroris HPL (Hak Pengelolaan Lahan).
“Setelah ada HPL baru kami mengeluarkan izin. Insya Allah saya tidak akan terjebak ya,” jéntréna.
Ropéa basa: Agus Rohmat
