Purwakarta, Kiwari.co.id – Tilu imah warga di Perumahan Dian Anyar, Kalurahan Ciseureuh, Kabupatén Purwakarta, Jawa Barat runtuh tur ruksak parna dina Salasa (18/3/2025). BPBD Purwakarta ngungkabkeun panyabab lemah ngagésér lantaran masalah dina drainase, teu ayana solokan, jeung kurangna serepan cai.
“Penyebabnya drainase yang tidak dilengkapi dengan gorong-gorong hingga menyebabkan resapan air ke dalam tanah, meningkatkan tekanan air pori dan mengurangi kekuatan geser tanah, mengurangi area resapan air, dan stabilitas tanah,” ceuk Danru (Komandan Regu) BPBD Purwakarta Muhamad Firmansyah mangsa dikonfirmasi detikProperti, Kemis (20/3/2025).
Salian ti éta, lemah di handapeun lokasi lemah ngagését baheulana nyaéta sumber huluwotan cai anu tepi ka ayeuna masih aktif. Alhasil lemah jadi terus kagerus cai ti jero sahingga struktur lemah di dinya jadi teu solid.
“Iya, betul (Ada mata air). Dari bawah masuk ke area tanah itu,” pokna.
Inyana ogé mertélakeun yén kondisi lemah di lokasi lemah ngagésér taya lian lahan di sisi gawir jeung lemah urut urugan sahingga teu kuat pikeun nahan beubeurat.
“Terus yang tadinya memang nggak boleh ditingkatkan (rumah lebih dari 1 lantai) yang di pinggir-pinggir (lereng) itu. Nah sekarang jadi ditingkat-tingkatin, jadi posisi tidak bisa menahan posisi itu, karena itu (tanah) nggak kuat,” jéntréna.
Firmansyah ogé ngungkabkeun yén saméméhna aya riwayat Perumahan Dian Anyar kungsi ngarandapan kajadian anu sarua dina 10 taun kalarung. Jumlah imah anu ruksak harita aya kana 6 unitna.
“Terdapat beberapa riwayat juga yang menyebut riwayat kejadian tanah longsor pada tahun 2012. Nah, terjadi longsor dulu mengakibatkan enam rumah rusak berat akibat kebocoran drainase,” ungkabna.
Mangsa ieu, BPBD Purwakarta geus metakeun lelewek mana baé anu bisa boga potensi kajadian lemah ngagésér. Inyana nyebutkeun lokasina masih sajajar jeung imah anu minggu ieu runtuh katut sakola anu di deukeut lokasi.
Tina hasil pangirong panganyarna éta, kapanggih ogé aya 2 imah anu ngalaman karuksakan akibat kajadian lemah ngagésér minggu ieu. Ngan, pangeusi éta imah tacan ngungsi.
“Cuma kemarin itu hasil dari assessment kita selanjutnya, ada dua tambahan rumah. Yang tadinya tiga, sekarang jadi lima unit (terdampak). Kan yang roboh kan cuma dua ya. Terus yang satu itu rusak sedang, kemarin hasil assessment dari kita itu jadi ada tambah dua rumah. masih di perumahan, cuma beda blok,” ungkab Firmansyah.
Firmansyah nyaturkeun pikeun proses relokasi warga anu kabalukar baris ditangkes ku instansi kakait. Boh keur warga anu kaleungitan imah pon kitu deui imah anu kondisina geus rarengat.
“Kebetulan ada instansi yang terkait juga, termasuk Dinas Pekerjaan Umum dan Tata Ruang (DPUTR), Dinas Perumahan dan Kawasan Permukiman (Perkim) sudah survei ke lokasi tersebut juga,” pokna.
Mangsa ieu, ruruntuk imah anu ngagebru geus dirapihkeun kalayan ngagunakeun alat beurat. Kandaraan geus meunang liwat jalan di hareupeun éta imah, ngan warga teu meunang deukeut teuing lelewek urug.
Ropéa basa: Agus Rohmat
