Kiwari.co.id – Tagar #KaburAjaDulu ngadadak ramé di media sosial tur jadi simbul kasalempangan generasi ngora kana kondisi di jero nagari mangsa ayeuna. Dina satengah mabrana paguneman sual fenomena ieu, manten Menteri Koordinator Bidang Politik jeung Keamanan, Mahfud MD milu méré tanggapan anu cukup ngajadikeun reuwas.
Liwat akun X pribadina, @mohmahfudmd, Mahfud nyorotan kumaha kateuadilan, kasawenang-wenangan, katut lemahna panyalindungan hak asasi manusa bisa ngajadikeun jalma kaleungitan rasa cinta ka lemah cai.
“Rasa cinta tanah air bisa luntur bila di negara sendiri tumbuh kesewenang-wenangan, ketidakadilan, dan lemahnya perlindungan HAM. Kalau hal itu yang terjadi, bisa muncul pikiran bahwa di negara sendiri hidup tak aman dan tak nyaman, enak di negara orang. Menyeruak Lah tagar, ‘Kabur Aja Dulu’,” tulis Mahfud, bari ngabagikeun cerekan layar pangwartaan kakait éta tren, dicutat Salasa (18/2/2025).
Cuitan Mahfud éta ogé langsung dipapag rupa-rupa réaksi. Salah sahiji pangguna X, @Dulkamdiii, malahan nangtang Mahfud pikeun milu “kabur” ti Indonesia.
“Pak Profesor nggak kabur aja dulu? Ngapain di Konoha? Presiden-nya menjijikan!! lebih parah dari 2 periode sebelumnya,” tulis éta warganet.
Minanggap éta komentar, Mahfud méré jawaban anu teu kaduga. Inyana ngaku yén dirina sacara pribadi masih ngarasa aman jeung genah di Indonesia.
“Jujur, kalau saya pribadi merasa hidup aman dan nyaman. Saya hanya menjelaskan teori tentang menyeruaknya tagar ‘Kabur Aja Dulu’ yang merefleksikan sikap ketidaknyamanan warga masyarakat karena kesewenang-wenangan dan ketidakadilan, sehingga pada gilirannya menggerus nasionalisme warga masyarakat,” balesna.
Diwartakeun saméméhna fenomena #KaburAjaDulu jadi eunteung kasalempangan barudak ngora kana mangsa ka hareupna di nagari sorangan. Tina sistem ekonomi anu dinilé teu mihak, kateupastian karier, sulitna meunang pagawéan, tepika transparansi panggunaan pajak anu dipatanyakeun.
Réa anu ngarasa teu boga pangawasa pikeun ngarobah situasi. Lain bajoang dina sistem anu stagnan, maranéhna kalah nitimbangkeun néangan paluang di luar nagari anu dianggap leuwih ngajanjikeun dina hal pagawéan, sistem pamaréntahan anu leuwih transparan, katut kapastian mangsa hareup.
Panétélaan Mahfud MD saolah ngonfirmasi yén ieu kasalempangan nyata ayana. Ngan, inyana nandeskeun teu sakabéh jalma ngarasakeun hal sarua, kaasup dirina.
Ropéa basa: Agus Rohmat
