Kiwari.co.id – Geus leuwih ti saminggu barudak sakola anu baong mantangul diwarah di barak militer di Purwakarta, ieu téh salah sahiji progran gebragan Girangpangagung Jawa Barat Dedi Mulyadi. Ngeunaan waragad program ieu inyana kungsi ngajéntrékeun ka awak media tur dipintonkeun dina chanel YouTube na KDM.
Program barudak sakola mantangul anu dikirim ka barak militer téh tetep dilaksanakeun di Jawa Barat sok sanajan manén pro kontra tepika sorotan ti sababaraha pihak. Tuluy ti mana atuh waragada program barudak mantangul diwarah di barak militer téh?
Gubernur Jawa Barat Dedi Mulyadi gasik pisan enggoning ngungkulan pasualan kabangoran rumaja di wilayahna malahan mah di antarana geus nékad ngalakukeun kriminal tur ngabahyakeun. Ku kituna, program ieu téh geus dimimitian pikeun menggaran di Kabupatén Purwakarta disusul engkéna ku Kota Bandung.
Mangpuluh siswa SMP di Purwakarta dina mangsa ieu keur satengahing milampah pangwarah di Resimen Artileri Medan (Menarmed) 1/Sthira Yudha Kostrad, di dieu mah aya kana 39 urangna sarta di Kota Bandung mah aya 30 urang siswa SMA ogé milampah hal sarupa di markas tentara di wewengkonna.
Tumali jeung waragad éta program, Dedi Mulyadi mertélakeun mangsa keur di Purwakarta. Ceuk Dedi Mulyadi anu dalit digentra KDM mah, yén pikeun saheula anan waragadna ngagunakeun waragad Gubernur Jawa Barat jeung operasional Bupati Purwakarta Saepul Bahri Binzein.
“Sementara ini saya support, Bupati juga suport dari biaya operasional mereka, Bupati Purwakarta dari biaya operasional dia support,” ceuk Dedi Mulyadi dina panétélaanana ka wartawan mangsa ditalék sual anggaran sakumaha diunggah dina chanel YouTube Kang Dedi Mulyadi Channel.
Ngan, kahareupna mah ceuk inyana, bakal aya parobahan anggaran nyaéta baris diasupkeun kana anggaran Provinsi Jawa Barat.
“Tetapi mungkin nanti di perubahan anggaran dimasukkin dalam sistem yang penting jalan dulu, misalnya gini deh mereka butuh makan, masa kita gak bisa ngirim makan sih? Pemda Provinsi juga bisa ngirim makan setiap hari, gak ada masalah,” bébérna éta Girangpangagung Jawa Barat.
Dedi Mulyadi ngajéntrékeun kriteria budak mantangul atawa bangor anu milampah pangdidikan di barak miliyer téh nyaéta sing saha anu geus ngarah kana tindakan-tindakan kriminal jeung kolotna anu geus teu boga kasanggupanana keur ngawarahna.
“Artinya bahwa yang diserahkan itu adalah siswa yang oleh orang tuanya di rumahnya sudah tidak mau lagi tidak mampu lagi untuk mendidik, jadi kalau orang tuanya tidak menyerahkan kita tidak terima,” jéntréna Dedi.
Kawas di Kabupatén Purwakarta ceuk Gubernur Jabar, kolotna éta barudak téh daratang ka Dinas Pendidikan tuluy ka bupati tur sanggeus ngaliwatan proses ngumpul di Kodim di wewengkonna tuluy diasupkeun ka barak militer Menarmed) 1/Sthira Yudha Kostrad.
“Mereka saya happy saya lihat, gimana gak happy, gizinya cukup, istirahatnya cukup, olah raganya cukup, sistem pembelajarannya cukup, kan mereka tetap belajar cuma gurunya aja ngajarnya ke sana,” jéntréna.
Ropéa basa: Agus Rohmat
