Kiwari.co.id – Israel geus leuwih ti sataun kerep muncul di media, ngan sigana nah réa anu teu nyaho saha tangtungan pangaasa panggedéna dina industri judi anu méré sokongan gedé kana lumangsungna politik dunya. Tétéla ieu inohong téh awéwé asal Israel. Malahan mah, inyana boga profesi minangka dokter. Ieu inohong téh tayalian nyaéta Miriam Adelson anu dilandih ‘ratu judi dunia’. Harta pakayana tembus US$ 34,5 miliar atawa satara Rp 521 triliun, nurutkeun laporan Forbes, dicutat Senén (3/2/2025).
Satemenna mah, karir Adelson di dunya judi téh teu dilalanyahan tina enol. Inyana ngawaris harta triliunan ti jenat salakina anu tilar dina 2021 kalarung.
Salakina téh nyaéta Sheldon Adelson, triliuner jeung manten CEO pausahaan kasino di Las Vegas Sands. Berkah meunang ‘kaurugan gunung emas’, Miriam Adelson téh nempatan roncéan ka-53 jalma pangbeugharna dunya nurutkeun Forbes mah.
Miriam Adelson téh mangrupakeun dokter lulusan Sackler Medical School, Tel Aviv University. Lain ukur kitu, inyana ogé ngamanfaatkeun kaélmuanana pikeun bisnis.
Nyutat Times of Israel, inyana reujeung salakina ngadegkeun klinik Sheldon G. Adelson. Klinik ieu téh boga tujuan pikeun nangkea jalma-jalma kacanduan kana hiji perkara, boh éta kacanduan pajudian atawa internet.
Adelson anu ahli narkotika téh ngamanfaatkeun Opioid, nyaéta zat narkotika, pikeun ngaleungitkeun rasa kacanduan dina hiji jalma. Alhasil, ku mibanda bisnis jeung warisan salakina, Adelson asup kana daftar salah sahiji awéwé pangbeurharna di dunya.
Kiwari awéwé anu boga umur 78 taun ieu téh keur minikmat duit tina karajaan judina. Nurutkeun Forbes mah inyana téh dipiweruh mibanda leuwih ti satengah karajaan judi aju kadaftar di Bursa Efek New York, sarta mibanda sababaraha kasino di Singapura jeung Makau.
Dina pamustunganana pakayana éta ahirna ngajadikeun daya tarik dina diri Adelson ningkat. Salah sahiji anu katarik téh nyaéta pebisnis jeung Presiden Amerika Serikat ka-45, Donald Trump.
Adelson dipiweruh jadi panyumbang dana pikeun Donald Trump salila mangsa kampanye dina taun 2016 jeung 2020 tepika sukses jadi presiden. Lain éta wungkul, Adelson ogé jadi panyumbang dana utama pikeun tujuan politik konservatif di Amerika Serikat, hususna Partai Republik.
Totalna anu digolontorkeun Adelson ngahontal leuwih ti US$ 218 juta atawa Rp 3T tur ngadikeunana minangka padonor panggedéna pikeun hiji partai politik di AS.
Lain ukur ke AS, Adelson ogé ngalirkeun duitna pikeun kapentingan Israel jeung Yahudi. Keur lemah kalahiranana éta inyana jadi donor kana pamedalan koran Israel, Hayom, tur ngarojong kagiatan filantropis di éta Nagara Yahudi.
Ropéa basa: Agus Rohmat
