Kiwari.co.id – Jepang sadia mayar ka jalma-jalma 4,8 juta yén atawa sakitar Rp 500 juta gedéna pikeun padatang anyar anu daék dumuk tur nganjrek di padésaan. Upaya ieu téh dilakukeun miangka bagian tina Program Revitalisasi Regional éta nagara. Dicutat ti Mirror, Senén (13/1/2025), inisiatif ieu dirancang pikeun méré kahirupan anyar di wewengkon-wewengkon anu leuwih tengtrem di Jepang, sanggeua padumuk di dinya anu pindah ka dayeuh metropolitan kayaning Tokyo jeung Kyoto. Fenomena ieu téh milu disorot ku Seven Seas Worldwide, pausahaan global anu boga spesialisasi dina relokasi jeung pangiriman internasional.
“Banyak anak muda Jepang yang tidak mau repot-repot mencari pembeli saat mereka mewarisi rumah keluarga yang sudah tua,” ceuk Kepala Operasi Seven Seas Worldwide, Wayne Mills.
“Ada ratusan rumah pedesaan tradisional Jepang yang menawarkan lokasi, ruang, dan arsitektur yang menakjubkan yang akan terbuang percuma saat ini,” tambahna.
Bisa ngaronjatkeun parékonomian wewengkon
Mills mah ningali fenomena ieu téh minangka kasempatan anu teu meunang diliwatkeun pikeun maranéhna anu mibanda jiwa ngalalana.
Di luar kauntungan pribadi, program ieu téh ngajanjikeun parumajaan padésaan Jepang tur kamungkinan gedé baris ngaronjatkeun parékonomian.
“Ini adalah kesempatan yang sempurna untuk mendapatkan salah satu dari properti yang luar biasa ini dan memulai petualangan baru yang menakjubkan,” pokna.
“Ini adalah win-win solution. Anda mendapatkan awal yang baru dan bantuan, sementara ekonomi lokal menikmati dorongan yang sangat dibutuhkan,” sambungna.
Salah sahiji tempat anu beunang dideugdeug pikeun ngaggabung dina skema ieu téh nyaéta kota nalayan leutik Takahama. Ieu kota téh perenahna di Prefektur Fukui, désa anu éndah ieu sohor ku basisirna anu pikatajieun. Ngan, tepi ka kiwari téh masih tacan aya informasi anu leuwih jauh kumaha mekanisme pikeun milu éta program, kaasup naha program ieu saukur beunang diiluan ku warga Jepang wungkul, atawa bisa diiluan ku warga nagara asing?
Krisis populasi di Jepang
Simpéna désa-désa di Jepang ogé disababkeun ku populasi padumuk Jepang anu nurun drastis dina sababaraha taun ieu. Dicutat ti Harvard International Review (30/10/2024), Perdana Menteri Fumio Kishida ngungkabkeun poharana pangorotan populasi Jepang dina 2023. Ti saprak ngahontal puncak 128 juta urang dina 2008, total populasi Jepang geus ngalaman panurunan notog.
Salian ti éta, populasi umur gawé diirongkeun baris ngorotan 19 juta gedéna antara taun 2023 jeung 2050. Minanggap krisis ieu, pamaréntah Jepang téh geus mecakan sababaraha cara, kaasup méré insentif pikeun awéwé anu kakandungan gedéna 100.000 Yén atawa sakitar Rp Rp 10,5 juta. Jepang keur ningkatkeun jumlah imigran ngora anu diidinan asup ka nagara ieu téh pikeun nambah jumlah tanaga gawé tur ngurangan kagumantungan ka kolot dina parékonomian.
Reformasi ieu téh teu meunang reaksi heuras ti masarakat sakumaha anu kajadian di nagara-nagara Eropa anu ngalaman pangorotan populasi, jeung sabagian gedé masarakat Jepang katara sugema ku parobahan imigrasi. Paningkatan rojongan pikeun imigran anu asup ka Jepang baris jadi kacida pentingna keur upaya nagara ieu pikeun narik leuwih réa nonoman tu luar nagari tur ngaréngsékeun krisis populasinya.
Ropéa basa: Agus Rohmat
