Kiwari.co.id – Presiden Joko Widodo ngabébérkeun sajumlah upaya anu geus dilakukan ku Indonesia dina transisi energi mangsa nepikeun kuliah umum di Stanford University, San Francisco, Amerika Serikat, dina Rebo, 15 November 2023. Jokowi nyebutkeun salah sahijinan téh nyaéta ngaliwatan pangwangunan Pembangkit Listrik Tenaga Surya (PLTS) ngambang anu dina minggu kamari diresmikaeun di Waduk Cirata, Purwakarta, Jawa Barat.
“PLTS Cirata ini terbesar di Asia Tenggara, pembangkit listrik tenaga surya yang kita miliki baru saja kita buka dengan kapasitas 192 megawatt,” ceuk Jokowi dina kuliah umumna.
Panel Pembangkit Listrik Tenaga Surya Cirata, PLTS panggedéna di Asia jeung panggedéna ka-3 di sakuliah dunya, kalayan kafasitas daya 192 mégawatt
Teu eureun nepikeun ka dinya baé, Indonesia ogé baris ngawangun anu sarupa éta di kota-kota anu séjénna, kaasup di ibu kota anyar, Nusantara.”
Presiden ngaresmikan PLTS Cirata anu mibanda kapasitas puncak 192 megawatt di Purwakarta dina 9 November 2023.
Harita dina paresmian, inyana nyaturkeun, éta téh mangrupakeun memontum sajarah lantaran impian gedé Indonesia pikeun ngawangun pembangkit listrik energi anyar anu kaanyarkeun dina skala gedé akhirna bisa kalaksanakeun.
Dina kuliah umumna di Stanford University, ceuk Jokowi parobahan iklim jeung transisi energi mangrupakeun hal anu kacida ngadesek di satengahing dunya anu teu keur hadé. Inyana nyorot, kiwari masih aya tangtangan gedé pikeun Indonesia jeung nagara berkembang séjénna ogé pikeun ngalakukeun transisi energi utamana, enggoning transfer teknologi jeung pangwaragadan.
“Sampai saat ini yang namanya pendanaan iklim masih business as usual, masih seperti commercial banks. Padahal seharusnya lebih konstruktif, bukan dalam bentuk utang yang hanya akan menambah beban negara-negara miskin maupun negara-negara berkembang,” ceuk presiden dina kuliah umumna.
Nyinggung sual panurunan emisi jeung potensi energi hijau di Indonesia
Presiden Jokowi ogé nyaturkeun kolaborasi jeung léngkah strategis jadi hal anu kacida penting jeung dibutuhkeun dina nyinghareupan dampak parobahan iklim. Inyana nyaritakeun komitmen Indonesia teu perelu dipertanyakeun deui.
Kepala negara ngaklaim yén Indonesia geus hasil nurunkeun emisi gedéna 91,5 juta ton. Ieu téh dituturkeun ku laju deforestasi Indonesia nepikeun 2022 geus diteken nepikeun 104.000 hektare. Kawasan leuweung ogé direhabilitasi salegana 77.000 hektare, leuweung bakau direstorasi legana 34.000 hektare saukur dina mangsa sataun.
Salian ti éta, presiden nyaturkeun ogé yén Indonesia minanda potensi energi hijau anu kacida gedé. Indonesia disebutkeun mibanda sumber energi kaanyarkeun anu kacida variasi.
“Indonesia memiliki potensi energi hijau yang sangat besar, yang bisa dimanfaatkan untuk pelestarian bumi. Potensinya mencapai 3600 gigawatt dari energi matahari, air, dari sungai karena kita memiliki 4400 sungai, kemudian angin, kemudian geothermal, ombak dan energi bio,” pokna.
Jokowi ogé ngajéntrékeun Indonesia baris terus ngajaga lingkungan jeung ngalakukeun transisi energi. Saperti halna anu baris diterapkeun di Ibu Kota Nusantara (IKN) anu bakal jadi kota pinter boga basis leuweung anu engkéna baris ngagunakeun energi hijau tina srangéngé jeung cai.
Presiden Jokowi ngalanglang Amerika Serikat pikeun miluan rangkéan Konferensi Tingkat Tinggi Asia-Pasific Economic Cooperation atawa KTT APEC di San Francisco dina 16-17 November 2023. Jokowi igé sempet patepung Presiden Amerika Serikat Joe Biden di Gedung Putih dina Senén kalarung, 13 November 2023. Kedua pamingpin sapuk pikeun ngaronjatkeun kamitraan Indonesia-AS jadi Kemitraan Strategis Komprehensif (Comprehensive Strategic Partnership/CSP). Lian ti éta, presiden ogé sempet nepikeun kuliah umum di Georgetown University, Washington DC, Amerika Serikat, dina Senén, 13 November 2023.
Kontributor : Agus Rohmat
Ropéa Basa : RB
Sumber : TEMPO.CO
