Kiwari.co.id – Kapolri Jenderal Listyo Sigit Prabowo umajak band punk Sukatani pikeun jadi duta Polri keur ngaropéa institusi sarta nyegah kajadianana perilaku nyimpang sakur personél. Sigit miharep band Sukatani téh daék dijadikeun duta atawa juri pikeun institusi Polri.
“Nanti kalau band Sukatani berkenan, akan kami jadikan juri atau band duta untuk Polri terus membangun kritik demi koreksi dan perbaikan terhadap institusi,” ceuk Sigit dina panétélaan resmina, dicutat ti Tempo.com Ahad, 23 Februari 2025.
Sigit téh nandeskeun deui komitmenna yén Polri teu antikritik. Korps Bhayangkara mangsa ieu, ceuk Sigit, narima kana sakur bentuk saran.
“Ini bagian dari komitmen kami untuk terus berbenah menjadi organisasi yang bisa betul-betul adaptif menerima koreksi, untuk bisa menjadi organisasi modern yang terus melakukan perubahan dan perbaikan menjadi lebih baik,” ucapna Sigit.
Sigit ogé mastikeun teu kungsi nyaram atawa ngabekem sing saha baé ogé anu nyalurkeun hak kabébasan ekspresi. Inyana mertélakeun, di sahandapeun kapamingpinanana, Polri ngagelar sababaraha kagiatan sangkan publik nyalurkeun pamanggih katut ekspresina. Di antarana lomba orasi, mural nepika stand up comedy. Sigit nyaturkeun, liwat éta kagiatan téh masyarakat dihempékeun ngritik Kapolri atawa Polri.
Inyana nyaturkeun institusina mah kacida kabukana kana kritik. Sabab, kritik bisa jadi bahan refleksi keur ngawangun Korps Bhayangkara jadi leuwih hadé sarta mingkin dipicinta ku masarakat.
“Dan bagi kami kritik terhadap Polri menjadi bentuk kecintaan masyarakat terhadap institusi Polri,” catur Sigit.
Saméméhna genep anggota Direktorat Reserse Siber diduga ngaintimidasi personél band Sukatani lantaran lagu anu judulna ‘Bayar Bayar Bayar’ dina album Gelap Gempita.
Awalna, Subbidang Pengamanan Internal Bidang Profesi jeung Pengaman Polda Jateng mariksa opat urang personél Subdit I Ditressiber Polda Jateng. Pamariksaan éta ogé ngalibetkeun Biro Pengamanan Internal Divisi Profesi jeung Pengamanan Polri.
Per Sabtu peuting mah pulisi nyebutkeun geus mariksa deui dua personél Ditressiber Polda Jateng. Ku kituna, jumlah anggahota anu dipariksa téh jadi genep urang.
“Saat ini, dua personel lain dari Ditressiber Polda Jateng telah diperiksa, sehingga total ada 6 enam personel yang dimintai keterangan,” kitu panétélaan resmi Polri ngaliwatan akun X @DivpropamPolri dina Saptu peuting, 22 Februari 2025.
Dina Kamis 20 Februari 2025, Sukatani ngunggah hiji video pameredih hampura ka Kapolri jeing institusi Polri sanggeus lagu anu judulna Bayar Bayar Bayar viral di rupa-rupa platform media sosial.
Teu saukur éta, Sukatani ogé nétélakeun narik éta lagu ti parédaran tur ménta panganutna pikeun mupus karya seni éta di platform-platform anu aya di sosial media.
Annisa Febiola boga kontribusi dina ieu panulisan artikel.
Ropéa basa: Agus Rohmat
