Ciamis, Kiwari.co.id – Ropiana Muntaha (27) pamuda anu boga domisili di Dusun Maparah 1, Désa Maparah, Kacamatan Panjalu, Kabupatén Ciamis, sukses ngajalankan usaha produksi kostum karakter robot tina film kakoncata (populer). Malahan kostum robotna kacida dipiminat pasar luar nagri.
Kostum robot beunang Ropiana aya 3 karakter ti Transformers nyaéta Bumblebee jeung Optimus Prime. Sedengkeun ti tokoh Marvel nyaéta Hulkbuster atawa kostum robot Hulk anu dipaké Ironman. Éta kostum robot bisa keur dipaké ku jalma atawa pikeun pajangan minangka ikon hiji toko atawa puseur pangbalanjaan (mall).
Ropiana mimiti ngajalankeun usaha produksi kostum robot tina bahan spon ieu dina taun 2017 ti heula di Bandung. Kostum robot éta dijieun saukur keur dipaké sorangan jeung sababaraha urang batur deukeutna pikeun ngamén di taman puseur dayeuh atawa tempat karaméan.
Sariring wanci, kostum robot buatanana mimiti dirérét tur dipesen ku sajumlah kalangan. Kostum robot jieunan Ropiana ieu karéréanana digunakeun pikeun dekorasi atawa pajangan di patokoan minangka daya tarik.
Harga anu ditawarkeun pikeun 1 kostum robot ieu mimiti ti Rp 8 juta pikeun Hulkbuster, Bumblebee Rp 7 juta sarta Optimis Prime Rp 6,5 juta. Ropiana anu dibantuan 6 pagawéna mampuh ngahasilkeun 4 tepika 5 kostum dina sabulan.
“Pembuatan kostum robot ini sistem pre-order, jadi sesuai pesanan. Rata-rata sebulan itu bisa membuat 4-5 kostum atau seminggu 1 kostum dikerjakan bersama-sama,” ceuk Ropiana mangsa ditepungan di imah produksina, Kemis (25/7/2024).
Pikeun ngajualna, salain ti biwir ka biwir atawa pabéja-béja, Ropiana ogé ngandelkeun media sosial kayaning TikTok, Instagram katut Facebook kalayan ngaran akun @Cosmake Heroic. Sedengkeun dina YouTube ngaran akuna Ropi Cosmic. Cara pamesenanana bisa langsung kontak WhatsApp atawa inbox langsung.
“Kalau untuk e-commerce belum masuk, masih hanya melalui pesanan di media sosial,” ungkabna.
Nurutkeun Ropiana, kostum robot milikna geus loba dipesen ku nu boga mall tepika toko-toko kaulinan di réa daérah di Indonesia. Ilaharna kostum robot éta dipaké minangka pajangan keur daya tarik.
“Ada yang pesan sekaligus dari 3 sampai 6 kostum. Untuk mall, toko mainan, toko ponsel. Ada juga dari Polres Tarakan pernah pesan sekitar 3 unit kalau tidak salah. Sekarang masih ada 20 pesanan yang sedang dalam proses produksi,” bébérna.
Ropiana ngaku kostum robot beunangna kungsi dipesen ku urang Qatar pikeun hiji kagiatan paméran. Ngan lantaran ongkosny mahal, éta kostum mimitina dikirim ka Malaysia, satuluyna ku pamesenna dibawa ka Qatar.
“Pemesan dari Qatar itu tahunya dari medsos di Facebook,” jéntréna.
Éta kostum robot réa dipesen ku jalma-jalma ti luar nagri. Ngan Ropiana ngaku pesenan éta teu bisa dicumponan ku sabab ongkos kirim ka luar nagri leuwih mahal batan harga barangna.
“Alhamdulillah kostum robot kami sudah diminati pasar luar negeri, seperti Timur Tengah dan lainnya. Jadi pesanan yang masuk 60 persennya itu dari luar negeri. Tapi terkendala ongkos kirim yang bisa 3 kali lipat dari harga kostum, jadi tidak merespon lebih jauh,” pokna.
Ropiana miharep pangiriman ka luar nagri bisa leuwih digampilkeun deui kalawan ongkosna anu leuwih murah tangtuna.
Ropéa basa: Agus Rohmat
