karinjang geus dibakutet, kuring saged rék nikreuh
Bari baluweng ngajanteng hareupeun lawang
Teu wasa ngageuingkeun inya nu tibra.
Beu, asa ngahelas rék pamit, asa baluas rék indit
Tapi janari kacida gancang kapeunggas subuh
Supir grab teu sabar, kelakson teu reureuh ditabeuh
Nyawang sorangeun sosoranganan siga nu bakal abar
Jajapkeun kuring kuimut anu kareueut
Harewoskeun yén inya rék sabar ngantos
Ngeukeup ti pepereket pageuh lir teu ngajurung kuring miang
Dina jét kuring ngapung ngawang-ngawang
Duka iraha rék mulang
Duh panutan asa ngalimba kedah ngantunkeun nunggelis-lalis
Asa ku remen anjeun di kantun
Asa ku sering kuring incah
ngaligincing, teu ngajingjing ogé teu nungtun
Jarambah lir teu barokah
Padahal,
Unggal babakan kuring nyiruruk, nya inya anu ngajanggélék
Unggal galindeng kuring nembang, nya hidep anu dipeting
iangan ayeuna, upama mulang karep mekel cingcin panyangcang
Hampura jungjunan, ieu wanci nyerélék
Urang bagéakeun mangsa jaga
Urang cindek dumuk renggenek
Teu incah ninggalkeun hidep nyalira
Tapi ulah naros iraha mulang
Teu wasa rék wakca
(Disundakeun ku Dadan Dania)
