Kiwari.co.id – Kabupatén Layak Anak (KLA) téh nyaéta hiji sistem pangwangunan di hiji kabupatén anu fokus dina panyumponan hak-hak budak jeung panyalindungan khusus budak. KLA ngalibetkeun komitmen jeung sumber daya ti pamaréntah, masyarakat, jeung dunya usaha anu karancana, sagemblengna, tur nuluy pikeun ngajamin panyumponan hak jeung panyalindungan budak.
Elaborasi:
Sistem Pangwangunan Basis Hak Anak:
KLA téh mangrupakeun sistem pangwangunan anu ngaintegrasikeun hak-hak budak kana jero sakur kawijakan, program, jeung kagiatan pangwangunan.
Komitmen jeung Sumber Daya Babareng:
KLA ngudukeun ayana gawébareng antara pamarétah, masyarakat, jeung dunya usaha pikeun ngajamin panyumponan hak busak.
Karancana, Sagemblengna, tur Nuluy:
KLA kudu dirancanakeun, dilaksanakeun, jeung dievaluasi kalayan karancana, sagemblengna tur nuluy pikeun muguhkeun nuluyna program.
Panyumponan Hak Anak:
KLA mibanda tujuan pikeun ngajamin panyumponan hak-hak budak luyu jeung Konvensi Hak Anak (Convention on the Rights of the Child – UN-CRC), kayaning hak sipil, politik, ekonomi, sosial, katut budaya.
Panyalindungan Khusus Anak:
Salian tina panyumponan hak, KLA ogé fokus kana panyalindungan budak tina rupa-rupa bentuk gunasika, eksploitasi, jeung diskriminasi.
Bandung Barat sayagi hontal predikat Kabupatén Layak Anak (KLA) Pratama.
Tumali reujeung Proram Pemberdayaan Perempuan, jeung Perlindungan Anak,
Kabupatén Bandung Barat (KBB) mibanda tékad pikeun ngahontal predikat Kabupatén Layak Anak (KLA) Pratama, tur pikeun ngawujudkeunana rupaning dokumen terus dilengkepan minangka panunjang paniléan ti Tim Verivikator KLA tingkat puseur.
“Hasil wawancara tadi (dengan Tim Verivikator), hanya evidence (bukti) yang kita kurang. Pembuktian-pembuktian, baik secara dokumen maupun dari sisi anggaran,” ceuk Kapala Bapelitbangda KBB, Eriska Hendrayana, disela-sela Verivikasi Lapangan Secara Hybrid di Ruang Rapat Setda KBB, Senén (28/4/2025).
Eriska nyaturkeun, dina waktu deukeut dokumen-dokumen panunjang predikat KLA baris dilengkepan.
Dukungan tina sisi regulasi pikeun ditétélakeun minangka KLA, ceuk Eriska sanggeus nyukupan ti mimiti perda, perbup jeung SK lianna ogé, dianggap geus nyumponan.
“Hasil evaluasi tadi dari Tim Verivikator, Perda, Perbup maupun SK tidak secara eksplisit mengatur tentang Perlindungan Anak. Padahal itu sudah ada. Kelemahan kita tidak membahas hal ini diteknis,” pokna.
Bandung Barat ceuk Eriska deui, pikeun kapredikatan minangka KLA semabenerna mah geus aya. Ngan, pikeun pangbuktian ngaliwatan dokumen mémang masih lemah. Sok sanajan kitu dina tempo dua poé kakurangan anu disyararkeun tim verivikator bakal dilengkepan.
“Karena yang dibutuhkan hanya evidence saja. Kalau untuk gerakan, sudah kita laksanakan,” pokna.
Dinas Pengendalian Penduduk, Keluarga Berencana, Pemberdayaan Perempuan dan Perlindungan Anak (DP2KBP3A) minangka leading sektorna geus ngaléng sakabéh stackeholder, kaasup gawébareng jeung welasan mitra gawé anu usik dina widang panyalindungan budak kawas Dharma Wanita Persatuan (DWP), TP Penggerak PKK, LK3, Motekar, Puspaga, PATBM, Forum Anak Daerah, Forum Genre Himpaudi, IGTKI jeung anu séjénna.
“Insya Allah (percaya diri, bisa jadi KLA), cuma yang perlu diperhatikan tinggal ketelitian, kejelasan operator untuk pembuktian (dokumen), evidence yang pernah kita lakukan,” ceuk Eriska.
Sagigireun éta, Kapala Bidang Pemberdayaan Perempuan jeung Perlindungan Anak dina DP2KBP3A KBB, Rini Haryani miharep leading sektor lianna bisa méré evidence tina kagiatan-kagiatan anu ngait kana panyalindungan budak.
“Saya mohon bantuan dan kerja samanya. Dalam dua hari ini, semoga saja evidence kegiatan di OPD (Organisasi Perangkat Daerah) bisa terpenuhi,” caturna.
Verivikasi lapangan kalayan Hybrid KLA di KBB diluuhan Sekda KBB, Ade Zakir, Pupuhu Komisi 4 DPRD KBB, Nur Djulaeha, sajumlah wawakil OPD katut mitra kerja DP2KBP3A.
Kalayan bagilir, Tim Verivikator KLA Tingkat Pusat ngawawancara kalayan daring ka anu ngaluuhan éta acara Verivikasi.
Ropéa basa: Agus Rohmat
