Kiwari.co.id – Wargi Kiwari! Saya anu geus kungsi mireungeuh ngeunaan panel surya? Ieu teknologi téh jadi booming pisan, sok komo keur imah-imah anu hayang irit listrik.
Ngan, saméméh leuwih jauh mah, hayu urang pedar naon baé kaleuwihan jeung kakuranganana ngarah anjeun beuki paham sual energi alternatif ieu.
Kaleuwihan Panel Surya
Salah sahiji alesan utama naha réa jalma pindah kana panel surya téh nyaéta lantaran bisa ngurangan tagihan listrik bulanan.
Energi anu dihasilkeun téh langsung tina cahya panonpoé dirobah jadi listrik pikeun kabutuhan imah, jadi teu perelu ngandelkeun listrik konvensional anu leuwih mahal.
Cocok Pikeun Iklim Indonesia
FYI, Indonesia mibanda iklim tropis anu super cocok jang panel surya. Sok sanajan usum hujan datang, urang masih bisa nyimpen energi cadangan.
Jadi teu kudu salempang bakal kabéakeun listrik mangsa pareum lampu téh. Pan mantab nya? .
Rojongan ti Pamaréntah jeung Global
Leuwih gayana deui mah, energi kaanyarkeun kawas panel surya ieu téh meunang rojongan sapinuhna ti ragam nagara, kaasup Indonesia.
Pamaréntah ogé terus ngadorong panggunaan energi ramah lingkungan, jadi aman kacida lamun anjeun hayang masang di imah.
Nilé Jual Imah Ngaronjat
Pake panel surya téh teu saukur nyieun tagihan listrik leuwih énténg tapi ogé bisa ngaronjtakeun nilé jual imah anjeun. Imah anu ramah lingkungan bakal leuwih dirérét, komo deui keur anu paduli sual green energy mah.
Kakurangan Panel Surya
Hanjakalna, aya ogé kakurangan tina panel surya. Salah sahijina nyaéta waragad pasang anu mahal kénéh.
Kulantaran industri pangbangkit listrik tenaga surya di Indonesia mah tacan sagedé di nagara séjén, réa komponen anu kudu impor. Jadi, hargana pun masih lumayan luhur.
Pamasangan Perlu Tanaga Profesional
Pamasangan panel surya lain pagawéan anu bisa ku anjeun lakukeun sorangan. Salah pasang, bisa-bisa kalah ngarusak suhunan imah tur ngajadikeun panel teu digawé optimal.
Jadi, penting pisan pikeun ngangkir tanaga profesional sangkan hasilna maksimal.
Panel surya mémang mibanda réa kaunggulan, mimiti tina hémat listrik nepika ramah lingkungan. Tapi, urang kudu siap kana waragad awal anu leuwih mahal tur puguhkeun pamasanganana dilakukan ku ahlina.
Lamun seug geus sayagi, anjeun bisa minikmat listrik tina srangéngé kalawan leuwih tengtrem.
Jadi, kumaha nurutkeun anjeun? Katarik rék pasang panel surya di imah.
Ropéa basa: Agus Rohmat
