Pangembang nganilé arah kawijakan program 3 juta imah kalah nimbulkeun kateupastian di masyarakat anu ngarugikeun pangembang.
Kiwari.co.id — Lima asosiasi pausahaan pangembang (developer) parumahan ngagorowok nganguhkeun kateujelasan program 3 juta imah anu dijangjikeun Presiden Prabowo Subianto.
Ketua Umum DPP Realestat Indonesia (REI) Joko Suranto mertanyakeun arah kawijakan ieu. Inyana nyarita kaijakan ieu kalah nimbulkeun kateupastian di masyarakat anu ngarugikeun pangembang. Sabab, konsumen anu arék akad ogé ngadadak balik deui lantaran miharep meunang mah dina program éta.
“Kita tahu tiga bulan lalu (isu) rumah gratis ini sangat mengganggu sekali karena orang tiba-tiba batal beli rumah, mau akad tidak jadi,” ceuk Joko dina rapat dengar pendapat umum jeung Badan Aspirasi Masyarakat (BAM) DPR RI di Kompleks Parlemen, Jakarta, dicutat ti CNN.Indonesia Rebo (19/3).
Joko ogé mertanyakeun rancana panggunaan lahan eks koruptor keur parumahan rakyat. Pangembang bingung imah tapak keur masyarakat anu boga panghasilan rendah (MBR) direujeungkeun jeung imah di tanah koruptor anu niléna teusarua.
Salian ti éta, aya kahémengan pangembang sual rancana pamarétah nurunkeun harga imah subsidi. Joko nyebutkeun kawijakan éta baris ngarugikeun jalma-jalma anu geus meuli imah leuwih tiheula lantaran harga imah subsidi panganyarna malahan leuwih murah.
Joko ogé ngahanjakalkeun kawijakan parumahan pamaréntah anu teu mikirkeun pangembang. Nurutkeun inyana, Prabowo geus jarang ngabahas program 3 juta imah, leuwih remen nyarita Makan Bergizi Gratis (MBG) jeung Danantara.
“Kita merasa tidak adanya perlindungan. Kemudian pelaku pengembang merasa ketakutan akan kepastian usaha mereka. Yang ketiga, adalah ketidaknyamanan dalam berusaha, developer dicurigai, dikambinghitamkan, bahkan mendapatkan intimidasi,” pokn Joko.
Dina kasempatan éta, Ketua Umum DPP Asosiasi Pengembang Perumahan jeung Permukiman Seluruh Indonesia (Apersi) Junaidi Abdillah ngungkabkeun potensi karugian pangembang lantaran kateupuguhan kawijakan.
“Terkait penurunan harga yang justru harga tanah meningkat, tapi Menteri (PKP) harga rumah diturunkan, sangat berbanding terbalik,” ceuk Junaidi.
BAM DPR narima angluhan jeung masukan ti pangembang. Maranéhna jangji bakal néangan solusi sangkan taya pihak anu dirugikeun.
“Kalau kemudian perumahan menjadi salah satu Asta Cita Presiden Prabowo Subianto, ya seharusnya ini didukung oleh kementerian/lembaga yang memang dibentuk atau ditunjuk, appointed, untuk bisa menyukseskan,” ceuk Ketua BAM DPR RI Netty Prasetiyani.
Ropéa basa: Agus Rohmat
