Jakarta, Kiwari.co.id – Persatuan Ummat Islam (PUI) kalawan tandes nétélakeun panolakan kana Peraturan Pemerintah (PP) Nomer 28 Taun 2024 anu anyar ditandatangan ku Presiden Joko Widodo. PP ieu ngatur palaksanaan Undang-Undang Nomor 17 Taun 2023 ngeunaan Kaséhatan, kaasup di jerona panyadiaan alat kontrasepsi pikeun siswa sakola.
Dr. Wido Supraha, M.Si, Ketua DPP PUI Bidang Pendidikan, nuntut pamaréntah ngabatalkeun PP No 28/2024 éta, lanatarn ngandung unsur-unsur pamikiran trans-nasional kakait seks bébas, anu kacida bahyana.
Ngan, mun pamaréntah teu sudi ngabatalkeun PP éta sagemblengna, PUI nuntut pamaréntah ngarevisina, utamana Pasal 103 ayat 4.
“Kami minta Presiden Jokowi merevisi peraturan itu, khususnya klausul Pasal 103 ayat 4, demi mewujudkan Indonesia Emas 2045 yang dicanangkan,” tandes Dr. Wido.
Burutkeun Pasal 103 ayat 4, palayanan Kaséhatan reproduksi pikeun umur sakola jeung rumaja ngalimpudan panyadiaan alat kontrasepsi. Mun seug dibaca saliwat, pasal ieu saolah pamaréntah arék ngayoman masyarakat ku méré palayanan kaséhatan. Padahal, konsep ieu bahaya kacida.
KH. Wido Supraha, Wakil Ketua Umum DPP PUI
PUI nganggap klausul paméréan kondom éta minangka bentuk kaaaoran meléntal anu pasalia jeung ajén-ajén Pancasila.
“Pemberian kondom kepada siswa sekolah dengan mekanisme apapun merupakan wujud dari mental kalah yang bertentangan dengan Pancasila,” ceuk Dr. Wido.
PUI ningali kawijakan ieu minangka adopsi konsep Barat, CSE _(Comprehensive Sex Education),_ anu pasalia jeung budaya katut ajén-ajén bangsa.
“Negara telah bertindak permisif terhadap hubungan seksual di antara anak sekolah selama suka sama suka dan tercegah dari HIV,” tuluyna.
PUI ogé ngakritisan konsep ‘konselor sebaya’ anu diatur dina éta paraturan minangka potensi masalah anyar dina panungtungan mangsa gawé Presiden Joko Widodo.
“Akankah tercapai Indonesia Emas 2045 jika sejak 2024 sudah diajarkan permisifisme atas seks bebas?” tanya Dr. Wido.
Ngaliwatan siaran pers ieu, PUI matéahkeun ngalalukeun ishlah ku ngajak umat jeung bangsa Indonesia pikeun ngahiji ngajaga NKRI tina pamikiran trans-nasional Barat anu bisa ngaruksak tatanan kahirupan bangsa jeung nagara di mangsa hareup.
Ropéa basa: Agus Rohmat
