Kiwari.co.id – Ritual mandi suci Kumbh Mela téh kacida diantina ku umat Hindu India mah. Antian festival kaagamaan anu digelar 12 taun sakali éta téh geuning tétéla kudu dibayar mahal nepi ka ngorbankeun nyawa sagala.
Saurang reporter media Inggris Independent UK, Namita Singh, ngalaporkeun dina poé Jumaah (31/1/2025), kaayaan harénghéng anu kajadian dina ritual agama panggedéna India éta. Rai poé ray poé téh, gonyokan jalma, anu kausikeun ku iman, mingkin réa tur pasesedek. Maranéhna téh nyungsi pamurnian jiwa dina cai suci Gangga.
“Mereka berjalan melewati lautan manusia, berjalan hati-hati menuruni lereng sebelum mencapai tepi sungai. Kadang-kadang mereka bersandar pada orang yang lewat untuk menenangkan diri, di waktu lain mereka mengancam akan menginjak-injak orang di sekitar mereka,” tulisna.
Maha Kumbh téh nyaéta festival kaagamaan Hindu anu diayakeun saban 12 taun skali di patepungna walungan Gangga jeung Yamuna di nagara bagian kalér Uttar Pradesh. Ritual ieu téh diayakeun salila 45 poé, mimiti ti 13 Januari tepi ka 26 Februari.
Asal usulna mah mimiti tina carita rahayat Hindu yén para déwa néngténgkeun opat keclak nektar kaabadian di Bumi tur, nalika Bulan jeung Jupiter sajajar, Gangga jeung Yamuna ngahiji jeung walungan mistis anu ngaranna Saraswati, patepungna téh dina titik-titik tempat nektar ilahi éta ragrag.
Sakur umat Hindu anu ngeueum dina cai anu ngahiji salila waktu ieu téh diberesihkeun tina dosa-dosa maranéhna tur narima berkah anu nagen salila sababaraha generasi, para pajaroh di festival éta ngabéjakeun ka The Independent.
Maranéhna ngalakukeun lalampahanana éta téh lain saukur dirina sorangan tapi keur anak incuna ogé.
Ngana dina wanci janari poé Rebo, tragedi tumiba Maha Kumbh Mela di Prayagraj, India. Hiji panyerbuan di deukeut Sangam Ghat saméméh subuh niwaskeun sahenteuna 30 urang tur ngabalukarkeun 60 urang tatu, kalawan jumlah korban tiwas diirong baris terus ngaronjat.
Bibit buit tragedi poé Rebo éta téh mimiti katingali sababaraha poé saméméhna, nyaéta nalika polisi Uttar Pradesh jeung administrasi Kumbh ngblokir sababaraha sasak ponton keur panggerakan kandaraan VIP. Sapanjang festival téh, politisi jeug selebritas mah dibéré kasempetan pikeun mandi sacara pribadi, anu nyiptakeun kamandegan tatali marga tur kondisi eungap pikeun jutaan pajaroh balaréa anu kudu leumpang mangmil-mil di sapanjang jalan heureut.
Dina tanggal 25 Januari, The Independent manggihan sababaraha barikade di sajumlah rute ngajugjug Kumbh Mela, kalawan personél polisi anu tarana kawalahan mancén pikeun ngarobah rute kamandegan tatali marga saarah di jalan heurin.
“Yogi ji ada di sini. Jadi, kami mengubah rute,” ceuk saurang patugas pulisi mertélakeun, ngarujuk ka kapala menteri Uttar Pradesh Yogi Adityanath.
Dina sasak ponton 17, deukeut Sangam, anu disohor minangka muhara walungan sababaraha rute pikeun panggerakan kandaraan ditutup salila mangjam-jam.
“Jembatan akan dibuka setelah Yogi ji pergi. Tidak ada kendaraan yang diizinkan di jembatan sampai saat itu,” catur dua personél pulisi anu ngajaga barikade ngonfirmasi.
Kekacoan téh mingkin ngajadi, jalan-jalan remen pisan ngadadak ditutup tanpa pangjéntréan heula. Antrean kandaraan anu pungkal-péngkol aya di mana-mendi, malahan mah pasukan komando khusus anu ngandaraan kandaraan militer ogé kapahung.
Dina mangsa burit anjog dina poé Salasa, panarik soara ngabéwarakeun dimimitianana Mauni Amavasya, anu narik leuwih réa umat pikeun datang ka Sangam. Para pajaroh anu boga pangalaman anu nyaho mah yén waktu anu ideal keur mandi ritual téh nyaéta mangsa medal srangéngé, jadi réa ti maranéhna milih pikeun ngaso di sisi ghat mangsa sareupna, satuluyna ngeueum mangsa panonpoé medal jeung sagancangna miang saenggeusna.
Sakitar tabuh 1.30 janari, kajadian golombang gedé pajaroh anyar.
Pulisi kalawan paksa ngagiringkeun maranéhna ka jalan heurin nuju Sangam sanajan sababaraha jambatan ponton nawarkeun rute anu leuwih hadé pikeun ngatur arus ieu, ceuk saksi mata ka The Independent.
“Sangat ramai sampai saya merasa akan mati lemas. Saya tidak mengerti apa yang terjadi,” ceuk Somi Devi, 67 taun.
Kaéwuhan kajadian mangsa panggonyokan jalma nyerbu ka hareup. Dina upaya putus asa pikeun ngaloloskeun diri tina desekan, sababaraha urang naékan tihang, anu dilaporkeun rubuh.
“Saya selamat dari ini hanya karena berkah dari Dewi Gangga,” ceuk Devi. Karaméan éta teu jadi panghalang pikeun nuluykeun lalampahan jaroh tur ngalakukeun “pangeueuman suci” sorangan.
Nurutkeun The New York Times, Kumbh kungsi ngalaman panyerbuan saméméhna, dina taun 1840, 1906, 1954, jeung 1986. Dina poé anu sarua jeung Maha Kumbh akhir, 12 taun kalarung, panyerbuan di stasiun kereta api lokal nuju festival éta mah niwaskeun 36 urang, tur maksa kapala panitia panyalenggara ngundurkan diri.
Rupa rupa léngkah geus dilakukeun pikeun nyegah kajadianana tragedi siga kitu téh, tapi upaya éta gagal waé, ti waktu ka waktu.
Dina sababaraha minggu saméméh tragedi kajadian dina poé Rebo, pamaréntah nasionalis Hindu Narendra Modi di Delhi jeung Yogi Adityanath di tingkat nagara bagian Uttar Pradesh geus muji skala sasayagian éta festival, anu kajadian bukti nyata kakuatan kaagamaan India.
Salila festival anu lumangsung salila 45 poé éta téh, diirong sakitar 400 juta urang jalma bakal ilubiung dina Maha Kumbh, jumlah anu kacida lobana, jauh leuwih réa batan dua juta pajaroh anu ngalakukeun lalampahan ka Arab Saudi pikeun ngalaksanakeun ibadah haji taunan taun kamari.
Ropéa basa: Agus Rohmat
