Ngamprah, Kiwari.co.id — Mahkamah Konstitusi (MK) resmi ngaregistrasi 309 perkara perselisihan hasil pilkada (PHP) 2024. Tina ratusan perkara éta téh, Pilkada Bandung Barat jadi salah sahiji wewengkon anu kacatet dina Buku Registrasi Perkara Konstitusi (BRPK) ti MK anu dibéwarakeun, dina Jumaah 3 Januari 2025 kamari.
Gugatan hasil Pilkada Bandung Barat dilayangkan ku pasangan calon bupati nomor urut 3 Hengky Kurniawan jeung Ade Sudrajat. Dokumen pameredih gugatan ieu téh resmi ditarima tur diregistrasi MK kalawan nomer perkara 192/PHPU.BUP-XXIII/2025.
Dumasar éta dokumen, pameredih gugatan éta didasarkeun kana dugaan dua pangrempakan palaksanaan Pilkada Bandung Barat. Kahiji, pameredih nganilé ayana praktik konstitusional mangrupa kamihakan aparat nagara ka pasangan calon nomer urut 2 Jeje Richie Ismail jeung Asep Ismail. Kadua, ayana praktik politik duit terstruktur, sistematis, jeung masif (TSM).
Khusus keur pangrempakan netralitas, pameredih nuding ayana panglibetan Menteri Désa jeung Pembangunan Daerah Tertinggal Yandri Susanto sarta Utusan Khusus Presiden Bidang Pembinaan Generasi Muda jeung Pekerja Seni Raffi Ahmad.
Pameredih ngadalilkeun Yandri jeung Raffi ngagunakeun kalungguhan jeung posisina minangka pajabat nagara pikeun méré dukungan ka Pasangan Calon Nomer Urut 2 Jeje Ritchie Ismail jeung Asep Ismail, M.Si dina mangsa ngalakukeun panglanglangan gawé di Désa Cikahuripan Kacamatan Lembang.
“Bahwa atas kunjungan kerja tersebut, Menteri Desa dalam kunjungan yang dihadiri oleh Pj. Bupati Kabupaten Bandung Barat, Camat, Kepala Desa dan Pendamping Desa, dalam pengarahannya diduga menyampaikan pesan-pesan yang mengarah pada dukungan dan pemenangan terhadap Pasangan Calon Nomor Urut 2,” dicutat tina dokumen gugatan anu karegistrasi di MK.
Dokumen pokok-pokok gugatan ogé nyeumatkeun yén praktik pangrempakan politik uang di Bandung Barat asup kategori TSM lantaran kajadian di 11 kacamatan ngalimpudan Cikalongwetan, Parongpong, Cililin, Cipatat, Cipongkor, Rongga, Lembang, Padalarang, Gununghalu, Ngamprah, dan Cipeundeuy.
“Pelanggan politik uang ini melibatkan kepala desa, LPMD, Rukun Warga, RT, PKK, Kader Posyandu, jeung tim sukses sahingga mangaruhan kaunggulan nenggel pikeun calon nomer urut 2,” tulis éta dokumen.
Anapon poin tuntutan dina éta gugatan téh nyaéta ménta MK ngabatalkeun surat kaputusan ngrunaan hasil rekapitulasi Pilkada Bandung Barat nomer 272 taun 2024. Ngadiskualifikasi pasangan calon nomer 2 Jeje Richie Ismail jeung Asep. Sarta netepkeun Pasangan Calon Nomer Urut 3 Hengky Kurniawan jeung Ade Sudrajat minangka anu meunang sora panglobana.
KPU Bandung Barat salaku pihak kagugat dina perkara ieu ngabenerkeun kakait ayana perselisihan hasil pilkada (PHP) di MK. Pihakna baris ngilu tahapan satukuyna kakait jadwal pasidangan.
“Betul (gugatan Pilkada Bandung Barat) lanjut sidang. Kita ikuti jadwal di MK saja, kemudian kita koordinasi dengan kuasa hukum dari KPU apa yang harus kita persiapkan,” ceuk Ketua KPU Bandung Barat Ripqi Ahmad Sulaeman.
Ropéa basa: Agus Rohmat
