Sukoharjo, Kiwari.co.id – PT Sri Rejeki Isman Tbk atawa Sritex anu ditétélakeun pailit baris ngeureunkeun sakur operasionalna dina 1 Maret 2025.
Balukartina kabangkrutan ieu, 10.669 lobana karyawan di sababaraha unit usaha Sritex ngarandapan pemutusan hubungan kerja (PHK).
PHK massal ieu lumangsung dina dua golombang. Dina Januari 2025, 1.065 lobana karyawan PT Bitratex Semarang kakeunaan PHK.
Satuluyna, dina 26 Februari 2025, PHK dilakukeun ka 8.504 karyawan PT Sritex Sukoharjo, 956 karyawan PT Primayuda Boyolali, 40 karyawan PT Sinar Pantja Jaya Semarang, sarta 104 karyawan PT Bitratex Semarang.
Dina surat anu dikaluarkan ku Tim Kurator PT Sritex Tbk, PT Sinar Pantja Djaja, PT Bitratex Industries, jeung PT Primayudha Mandirijaya ka para karyawan, disebutkeun yén kaputusan PHK dicokot minangka konsekuensi tina status pailit pausahaan.
Tim kurator mertélakeun yén PHK massal ieu dilakukeun dumasar kana katangtuan Pasal 39 Ayat (1) Undang-Undang Nomor 37 Taun 2004 ngeunaan Kapailitan jeung Penundaan Kewajiban Pembayaran Utang.
Beleid éta nyebutkeun yén pagawé anu digawé dina debitor bisa mutuskeun hubungan gawé, jeung sabalikna, kurator boga hak ngalakukeun PHK ku ngagugu katangtuan hukum anu lumaku.
Dina hal ieu, hubungan gawé jeung diputuskeun ku béwara paling singget 45 poé saméméhna.
“Berdasarkan kewenangan Kurator sebagaimana tersebut di atas, dengan ini memberitahukan kepada nama-nama karyawan PT Sri Rejeki Isman, Tbk (Daftar Terlampir) sejak tanggal 26 Februari 2025 telah terjadi Pemutusan Hubungan Kerja (PHK) dikarenakan Perusahaan dalam keadaan Pailit,” kitu uni éta surat, dikutip ti Tribunnews, Jumaah (28/2/2025).
Sanggeus kaputusan PHK ditetepkeun, tanggung jawab pasangon sapinuhna jadi kawenangan kurator. Samentara éta, jaminan hari tua pikeun para pagawé baris ditangkes ku BPJS Ketenagakerjaan.
Di sagigireun séjén, Kementerian Ketenagakerjaan (Kemnaker) mertélakeun baris ngawal ieu proses pikeun muguhkeun hak-hak para buruh tetep kacumponan
Wakil Menteri Ketenagakerjaan (Wamenaker) Immanuel Ebenezer Gerungan nandeskeun yén nagara baris boga patéah pikeun ngabéla hak pagawé anu kabalukar.
“Negara melalui Kemnaker akan berjuang bersama buruh. Oleh karena itu kami terus berkoordinasi dengan manajemen PT Sritex Tbk,” ceuk lalaki anu dalit digentra Noel éta.
Inyana nambahkeun yén pamaréntah satemenna geus ngupayakeun sangkan PHK massal ieu bisa disingkahan. Ngan, minangka konsekuensi tina kaputusan Pengadilan Niaga, kurator tetep milih opsi PHK.
“Kita negara hukum, maka kita harus tunduk pada hukum,” pokna.
Leuwih jauh, Kemnaker nandeskeun baris aya di garis panghareupna dina ngawal hak buruh.
Salian ti muguhkeun pasangon dibikeun, pamarétah ogé ngajamin pagawé meunang manfaat tina Jaminan Kehilangan Pekerjaan (JKP) anu diatur dina program jaminan sosial ketenagakerjaan.
“Kemnaker di garis terdepan membela hak buruh, dan pemerintah menjamin buruh akan memperoleh hak-haknya,” ceuk Noel.
Ropéa basa: Agus Rohmat
