Kiwari.co.id – Albert Einstein, fisikawan genius jeung salah sahiji ilmuwan panghébatna sapanjang sajarah, nyaéta urang Yahudi. Tapi, inyana ceuceub gerakan Zionis anu ngadegkeun Nagara Israel minangka proyek.
Nalika perang Israel-Hamas rongkah dina 42 poé ieu, surat Einstein anu ngaprediksi kaancuran Nagara Israel jadi bahan paguneman balaréa (publik) deui. Surat Einstein anu eusina ngan saukur sakitar 50 kecap téh, eusina refleksi ngeunaan pamustungan nasib Nagara Israel na mangsa inyana dipénta ngabantu ngumpulkeun dana pikeun anu disebut inyana mah “sel-sel teroris” partai kumaasa Israel mangsa harita.
Sepuluh taun saméméh Nagara Israel ngadeklarasikeun pangadeganana dina taun 1948 luhureun lemah meunang ngajabel ti rahayat Palestina, Einstein blakblakan yén pangbentukan Nagara Israel pasalia jeung sifat esensial Yudaisme.
Sanggeusna nyalametkeun diri ti Jerman dina mangsa pamaréntahan Adolf Hitler jeung pamustunganana jadi warga nagara AS, Einstein teu téh merelukeun palajaran nanaon baé ngeunaan siga kumaha ngeunaan naon fasisme mah.
Fisikawan genius ieu téh, dirojong ku sababaraha intelektual Yahudi kasohor lianna, geus manggihan kakurangan jeung garis kasalahan dina taun 1946 na mangsa inyana biantara di hareupeun Komite Panalungtikan Anglo-Amerika ngeunaan isu Palestina. Inyana mah teu ngarti naha Nagara Israel dibutuhkeun. “Saya yakin itu buruk,” pokna.
Dua taun sanggeusna, dina taun 1948, inyana jeung sajumlah akademisi Yahudi ngirimkeun surat ka New York Times pikeun maido (protes) dongdonan Perdana Menteri Israel Menachem Begin ka Amerika Serikat.
Dina surat anu kadokumentasikeun kalayan hadé, maranéhna nyawad Partai Herut (Kabébasan) pingpinan Menachem Begin, jeung nyaruakeunana jeung partai politik anu organisasi, metode, filosofi politik, jeung daya tarik sosialna mah kacida sarimbagna jeung partai Nazi jeung Fasis.
Herut téh nyaéta partai nasionalis sayap kanan anu satuluyna jadi Partai Likud anu dipingpin ku Benjamin Netanyahu—PM Israel kiwari.
Salaku pamingpin kolompok teroris Zionis; Irgun, anu misahkeun diri tina organisasi paramiliter Yahudi anu leuwih gedé ; Haganah, Begin ditéangan lantaran ngalakukeun aktivitas teroris ka otoritas Mandat Inggris. Samalah na mangsa inyana jeneng perdana menteri Israel taun 1997-1983 mah, maranéhna teu kungsi datang ka Inggris, lantaran inyana masih asup kana daftar jalma buron paling ditéangan.
Kakerasan anu kajadian ngagayuh lahirna Nagara Israel-lah anu ngajadikeun Einstein ijid, tur tangtu baé hal éta pisan anu pang kaimplengna dina pikirna na mangsa inyana nolak tawaran pikeun jadi presiden Israel.
Ieu tawaran téh dibikeun ka manéhna dina taun 1952 ku Perdana Menteri pangadeg éta nagara bagian, David Ben-Gurion.
Sok sanajan panolakanana sopan, Einstein yakin peran éta baris pasalia jeung haté nuranina salaku saurang pasifis, tur fakta yén inyana kudu pindah ka Timur Tengah ti imahna di Princeton, New Jersey tempat inyana nganjrek sabagé pangungsi Jerman.
Surat Einstein jeung Ramalan Kaancuran Israel
Surat fenomenal Einstein ditujukeun ka Shepard Rifkin, Direktur Eksekutif American Friends of the Fighters for the Freedom of Israel, anu boga basis di New York. Éta Kolompok téh awalna diluncurkeun pikeun ngapromosikeun ide-ide anti-Inggris ti Stern Gang, jeung ngumpulkeun duit di Amerika pikeun meuli senjata pikeun ngusir Inggris kaluar ti Palestina.
Sanajan singget, saukur 50 kecap, pesen surat Einstein ngawengku pangélingna ngeunaan “bencana terakhir” anu disinghareupan Palestina dina leungeun kolompok teror Zionis.
Surat khusus ieu ditulis kurang ti 24 jam sanggeusna warta ngeunaan pangbantéan Deir Yassin di Yerusalem Barat dina bulan April 1948 disaring.
Sekitar 120 teroris ti Irgun pingpinan Begin dan Stern Gang (dipingpin ku teroris séjén anu satuluyna jadi perdana menteri Israel, Yitzhak Shamir), asup désa Palestina jeung ngabantéi antara 100 jeung 250 lalaki, awéwé katut barudak. Sababaraha urang tiwas gara-gara témbakan, anu séjénna lantaran granat tangan anu dibalédogkeun ka imah maranéhna.
Jalma séjénna anu dumuk di désa anu daméi éta dipaténi sanggeusna dibawa dina parade anu pikaketireun ngaliwatan Yerusalem Barat.
Ada ogé laporan panggadabahan, panyiksaan jeung mutilasi. Sabulan sanggeusna Inggris mungkas kakawasaan mandat maranéhna di Palestina tur Israel ahirna kabentuk.
Legitimasi anu diklaim ku para pangadegna téh nyaéta Resolusi Pamisahan PBB dina bulan November 1947 anu ngusulkeun sangkan Palestina dibagi jadi dua nagara, hiji nagara Yahudi jeung hiji deui nagara Arab, sarta Yerusalem dikokola sacara independen ku kadua beulah pihak.
Ieu Surat Einstein
” Yang terhormat, Ketika bencana nyata dan terakhir menimpa kita di Palestina, pihak pertama yang bertanggung jawab adalah Inggris, dan pihak kedua adalah organisasi teroris yang dibangun dari pihak kita sendiri. Saya tidak ingin melihat siapa pun dikaitkan dengan orang-orang yang menyesatkan dan kriminal itu.” Hormat kami, Albert Einstein.
Kontributor : Agus Rohmat
Ropéa Basa : RB
Sumber : Muhaimin detik.com
