“Gimana Pa, aya keluhan naon?” Diuk peuntaseun méja, ngiloan status pasén.
“Ieu dok. Abah téh batuk meni taya eureunna tos saminggu.” Ngajegoh, semu peura. Huk-hék.
“Ow, Bapak suka ngaroko?” Merong, ngaragamang kana Ténsian.
“Nya masih atuh dok. Da tos nyandu!” Malik saregep. Cupu-capa.
“Cobi distop ngarokona, Pak!” Daria naker.
“Ach lebar atuh dok!” Semu nyureng.
“Naha lebar Pak? Pan éta nu jadi sabab Bapak batuk téh!” Neuteup, kerung.
“Yeuh dok! Abah téh diajar ngudud ti bubudak, dibélaan susulumputan diajarna gé, ari ayeuna geus pinter jeung bébas ngudud, hayoh kudu eureun? Teu hayang teuing!” Mureleng, ngajéngkat, ngusiwel, kelepus udud .
