Kiwari.co.id – Suzuki Selpet MA anu muncul dina taun 1960 baheula di Jepang mibanda desain cukup unik. Saliwat bentukna sarimbag bébék klasik Honda Super Cub anu sarua boga leg shield atawa sayap, jeung jok konfigurasi single seat. Kitu deui jeung area fascia, di mana headlamp ditempatkeun dina taméng hareup tur sein dina setang deukeut holder kénca-katuhu.
Kasarimbagan ieu lain katingai dina model cover suspensi jeung spakbor hareup, tepika buritan anu aya rakna.
Keunikan tina Suzuki Selpet MA katingali dina posisi tangki béngsinna anu beléda tina karéréaan motor bébék.
Lamun ilaharna aya di handapeun jok, tangki Selpet MA aya di luhureun rangka tengah kawas motor sport, pangeusianna ogé teu perelu muka jok. Soal spesikasi, motor klasik Suzuki éta dibekelan mesin 2-tak silinder tunggal pendingin udara 50 cc tina bore 41 mm x stroke 38 mm. Outputna mangrupa tanaga 4 dk dina 8.000 rpm jeung torsi 3,7 Nm dina 7.000 rpm anu disalurkeun ngaliwatan transmisi 4-percepatan
Dina luhureun keretas, performana bisa nyaingan Honda C100 1958 anu mangrupakeun Super Cub generasi munggaran. Motor legendaris éta ngagandong mesin silinder tunggal 4-tak 49 cc boga tanaga 4,5 dk dina 9.500 rpm jeung torsi 3,2 Nm dina 8.500 rpm kalayan transmisi 3-percepatan. Dapur pacu Suzuki Selpet MA tétéla hadir dina konfigurasi vertikal, anu béda tina Super Cub anu horizontal atawa ngagolér
Asup kana taun 1961, hadir Suzuki Selpet MA-2 anu geus meunang dinamo starter sahingga leuwih praktis dina ngahurungkeun motor. Modél éta ogé jadi Selpet MA pangakhirna, lantaran dina 1962 Suzuki ngaluncurkeun generasi anyar anu ngaranna Selpet ME mibanda teknologi electromagnetic clutch
Kontributor – Agus Rohmat
Ropéa Basa – RB
Sumber : GridOto.com
