Cipatat, Kiwari.co.id — Wangunan diduga cagar budaya urut imah dines direktur pakebonan karét era kolonial Belanda, di Désa Nyalindung, Kacamatan Cipatat, Kabupatén Bandung Barat (KBB) dibongkar pikeun direnovasi.
Struktur arsitektur bagian hateup diancurkeun tur diganti tina asalna maké balok bahan kai jeung kenténg taneuh, ayeuna dirobah ku baja ringan jeung kenténg metal stainless.
Éta imah aya panambahan rohang enggon anyar kalayan ayana sempadan atawa skat dijieun tina kai.
Saurang pagawé wangunan di éta imah nyaturkeun renovasi éta mangrupakeun paréntah manajemen PT Perkebunan Karet Nyalindung lantaran bagian hateup geus barobo.
Salian ti ngoméan imah, para pagawé ogé dititah pikeun ngarubuhkeun wangunan di bagian tukang.
“Iya kita diminta renovasi di sini terutama untuk bagian atap. Terus untuk bangunan belakang diminta dirobohkan karena sudah retak-retak,” bébérna pagawé renovasi imah mangsa ditepungan.
Dumasar data Dinas Pariwisata jeung Kebudayaan (Disparbud), Bandung Barat, wangunan éta mangrupakeun Imah Dines Pakebonan Nyalindung Tuan Slive jeung Tuan Hens.
Disparbud geus ngaregistrasi éta wangunan minangka Objek Diduga Cagar Budaya (ODCD) didumasarkeun surat kaputusan nomer 430/Kep.012-Disbudpar/2019.
“Betul bangun itu sudah teregister ODCD. Waktu penetapan kita kasih tau langsung ke manajemen PT Perkebunan Karet Nyalindung. Jadi di sana itu ada beberapa objek selain rumah dinas ada juga bangunan di area pabrik,” jéntréna Pamong Budaya Ahli Muda Subkoordinator Sejarah jeung Cagar Budaya dina Disparbud KBB, Asep Diki mangsa dikonfirmasi.
Asep ngajéntrékeun panyebab wangunan éta dibongkar lantaran aya miskomunikasi antara Disparbud Bandung Barat dengan PT Nyalindung.
Pihakna ngaku teu méré rekomendasi surat katulis kakait palakuan pamilik aset kana hiji objek cagar budaya.
“Ada miskomunikasi. Saya pikir ketika diberitahu bahwa bangunan masuk objek cagar budaya pemilik aset tahu perlakuan yang harus dilakukan, nyatanya tidak. Ini jadi pembelajaran bagi kita. Nanti saya akan beri surat bagi seluruh pemilik aset cagar budaya,” tambahna.
Ngadumasarkeun Undang-Undang Nomor 11 Taun 2010 ngeunaan Cagar Budaya, objek cagar budaya teu meunang ribah tina sisi bentuk jeung struktur wangunanana minangka upaya palestarian.
Sanajan kitu, pamilik dimeunangkeun ngalakukeun renovasi asal geus konsultasi jeung Tim Ahli Cagar Budaya (TACB).
“Karena ini sudah diubah kita terus komunikasi dengan pemilik aset dan TACB agar dicari solusinya. Yang jelas kalau diaturan bangunan itu harus serupa bentuk aslinya,” pungkasna.
Ropéa basa: Agus Rohmat
