Kiwari.co.id – Media sosial X diramékeun ku narasi anu nyebut, jabatan Sekretaris Kabinet anu ayeuna dijabat Mayor Teddy Indra Wijaya satara jenderal TNI bintang opat. Éta klaim diminitian tina cuitan akun @IndraD***, Ahad (20/10/2024), sanggeus Presiden Prabowo Subianto ngabéwarakeun susunan Kabinet Merah Putih di Istana Kepresidenan. Nurutkeun éta akun, Teddy meunang promosi tina mayor jadi jenderal TNI bintang opat setelah sanggeus dipeto jadi Sekretaris Kabinet.
Sangkan dipiweruh, jenderal bintang opat di TNI diajangkeun pikeun Panglima TNI, Kepala Staf Angkatan Darat, Kepala Staf Angkatan Udara, dan Kepala Staf Angkatan Laut.
“Gila Mayor Teddy langsung promosi dari mayor jadi seskab (setara jendral bintang 4). Umur masih 35, sementara temen2 seangkatannya akmil 2011 masih jabat wadanyon, kasi, kaur, atau masih pada mau persiapan sekolah sesko,” tulis éta akun.
Tuluy, naha bener jabatan Mayor Teddy Sekretaris Kabinet satara jeung jenderal TNI bintang opat?
Naha bener jabatan Sekretaris Kabinet Mayor Teddy satara jenderal TNI bintang empat?
Kepala Dinas Penerangan TNI AD (Kadispenad) Brigadir Jenderal Wahyu Yudhayana buka sora sual klaim warganet anu nyebut, jabatan Mayor Teddy minangka Sekretaris Kabinet satara jenderal TNI bintang opat.
Inyana nandeskeun, jabatan Sekretaris Kabinet teu bisa disaruakeun atawa teu satara jeung jenderal bintang pat di TNI. Sababna, Sekretaris Kabinet lain jabatan setingkat menteri tur ayana di sahandapeun Kementerian Sekretariat Negara.
“Engga dong. Itu bukan jabatan setingkat menteri,” ceuk Wahyu ka Kompas.com, Senén (21/10/2024).
Wahyu ogé nandeskeun, Mayor Teddy teu perelu pensiun ti TNI lantaran statusna mangsa ieu minangka Sekretaris Kabinet nyaéta panugasan di luar struktur. Inyana mastikan Mayor Teddy masih jadi prajurit TNI aktif jeung prosedur promosi, mutasi, atawa panugasan di TNI AD masih jalan.
“Mekanisme prosedur lingkar TNI AD tetap berjalan. Habis ini dia naik apa, ada periodenya, ada waktunya naik apa,” jéntréna Wahyu.
Ia nambahan, diistrénan Mayor Teddy minangka Sekretaris Kabinet ngajadikeun eks ajudan Presiden Prabowo Subianto ieu teu jadi deui Wakil Komandan Batalyon Infanteri (Wadanyonif) Para Raider 328/Dirgahayu.
Prabowo béwarakeun Mayor Teddy jadi Sekretaris Kabinet
Ngaran Mayor Teddy mimiti jadi panengetan warganet sanggeus ngaranna dibéwarakeun Prabowo minangka Sekretaris Kabinet mangsa pangbéwaraan susunan Kabinet Merah Putih di Istana Kapresidenan, Jakarta, Ahad (20/10/2024) peuting. Ngaran Teddy digero tur diwanohkeun Prabowo dina daftar ahir sanggeus inyana macakeun ngaran-ngaran menteri.
Teddy anu maké kaméja warna coklat tuluy méré hormat ka Prabowo mangsa ngaranna digero. Inyana satuluyna nangtung di barisan para menteri, kepala badan, jeung kepala lembaga satingkat menteri.
Saméméh ditunjuk jadi Sekretaris Kabinet, Mayor Teddy mancén minangka ajudan Prabowo mangsa jadi Menteri Pertahanan. Perwira TNI AD kalahiran Manado, 14 April 1989 éta ogé kungsi mancén di Komando Pasukan Khusus (Kopassus). Pancén lian anu kungsi dipanggul Mayor Teddy nyaéta asisten ajudan Presiden Joko Widodo dina periode 2014-2019. Dilansir ti Kompas.com, Salasa, Mayor Teddy teu saukur mibanda rékam tapak anu nyongcolang, tapi riwayat pangdidikanana ogé teu éléh gengsi. Inyana kungsi milampah pangdidikan di SMA Taruna Nusantara, Akademi Militer Magelang, Ranger School di Amerika Serikat (AS), jeung Army Infantry School. Mayor Teddy kungsi ngahontal Tab Ranger, hontalan anu nunjukeun kualifikasina minangka pasukan elite AD AS atawa US Army mangsa pangkatna masih kapten kénéh. Salian ti éta, Mayor Teddy ogé dinobatkeun minangka lulusan kalawan predikat International Honor Graduate, di antara 185 pamilon anu eusina tina perwira AS jeung perwira asing.
Ropéa basa: Agus Rohmat
Sumber: Kompas.com
